هجوم عنيف على الفنان محمد رمضان عقب تصريح التحفظ على أمواله.. فيديو

???? ?????

???? ?????

 

شن عدد كبير من الفنانين المصريين هجوما حادا على الفنان محمد رمضان بسبب فيديو نشره عبر "فيسبوك"، أعلن فيه أن البنك الذي يتعامل معه حجز على أمواله، دون أن يكشف عن سبب الحجز.

وهاجم عمرو مصطفى عبر صفحته الرسمية على "فيسبوك" رمضان قائلا: "أنا خضت مشاكل كتيرة جدا مالهاش قيمة، وفي برنامج العرافة رمضان اللي فات، طلعت وقدمت نصيحة لمحمد رمضان إنه يستفيد بتجربتي ويبطل مشاكل، لكن للأسف النهارده اتفاجئت بيه بيحاول قلب الحقائق، بفيديو يخص مشكلته الشخصية في التحفظ على أمواله.. غير تلميحاته".

وأضاف: "لا يا رمضان، احنا مش في حاجة لفلوسك ولا لفلوس أي حد، والجمهور المصري اللي انت بتخاطبه بمشكلة شخصية، ده جمهور واعي جدا، وأنا واجبي أني أحذرك".

كما سخر الفنان خالد سرحان من رمضان، وكتب في منشور على "فيسبوك": "صحيت من النوم االنهاردة على مكالمة من موظف البنك بيقولي جم يسحبوا قسط القرض اللي عليا ملقوش فلوس في الحساب.. عايز اقول للبنك عيب كدا انا لحم كتافي من خيركم والـ75 جنيه اللي في الحساب انا معايا في البيت قدهم 3 مرات ولا يهمني".

والانتقادات لم تقتصر على الفنانين فقط، فقد وصف الإعلامي مصطفى الفيديو الذي نشره رمضان بالـ"غريب خاصة أن محمد رمضان ذكر كلمة تحفظ وهي معلومة خاطئة".

وأشار إلى أن "أي مستثمر يسمع هذا الحديث يخشى على الاستثمار في مصر ولكن ما حدث هو حكم قضائي بسبب الطيار المتوفى أبواليسر ولا دخل للدولة فيه"، مضيفا: "الطيار حصل على حكم بـ6 ملايين جنيه ومات ولم يحصل على أي مليم.. لا بد من وجود قدر من الخجل والحياء".

كما علق الإعلامي عمرو أديب، على فيديو الفنان محمد رمضان، الذي أعلن فيه عن حجز أمواله في أحد البنوك، قائلا: إن محمد رمضان بيضحك علينا، والبلد في غني عن فلوسه، وفلوسك دي بتاعت الطيار اللي مات.. يا مفتري الراجل مات مش كنت تديله فلوسه».

وأضاف خلال برنامج «الحكاية» المذاع على قناة «إم بي سي مصر» أن «محمد رمضان لديه إصرار أن يصدر للناس أن الحكومة بتحجز على فلوس الناس، أنت النهاردة بتقول للناس خلي بالك الدولة هتحجز على فلوسكم، وشيلوا فلوسكوا في البيت».

 

وتابع: «ياراجل حرام عليك، أنت طرمخت على فلوس الراجل، ربنا كبير يا محمد ربنا كبير يا حبيبي، يا جماعة الدولة لا تمس فلوسكم ومفيش حد فلوسه راحت، مفيش واحد صحي يشرب القهوة زي محمد رمضان، ويقول بلدي أخدت فلوسي، واحنا الصعايدة والفلاحين ومش عارف أية علاقة الكلام دا ببعضه».

 

وأختتم أديب حديثه قائلا: «يا محمد يا رمضان أنا لسة عند ندري، يوم ما أكسب القضية، هحط الفلوس كلها وضعفهم لمستشفي أبوالريش ..ربنا يكرمنا وآخد فلوسك اللى في البيت».

 

كان الفنان محمد رمضان، أعلن عن تحفظ أمواله في البنوك، حيث قال في فيديو نشره عبر حسابه الخاص على «إنستجرام»: «صباح الخير.. صحيت النهاردة على اتصال من البنك، بيقولي إنه تم التحفظ على فلوسي في البنوك، وللعلم معايا فلوس في بيتي قد فلوسي اللي في البنك ومستورة».