ريم العدل تبرئ مهرجان الجونة بعد إصابتها بفيروس كورونا

كشفت الاستايلست ريم العدل، عن استيائها الشديد من ردود الفعل التي جاءتها عقب إعلانها أمس عن إصابتها بفيروس كورونا.

ودافعت ريم بشدة عن مهرجان الجونة ووصفت الهجوم عليه بأنه حالة ترصد، وأن إدارة المهرجان راعت أن تأتي كل الفعاليات مصحوبة بإجراءات احترازية، وأن كل الذين حضروا المهرجان أفراد راشدين مسئولين عن قراراتهم وسلوكياتهم. 

ونشرت ريم تدوينة عبر صفحتها بموقع التواصل الاجتماعي "فيس بوك": "امبارح كتبت پوست بعلن فيه إصابتي بكورونا.. واللي أنا مش شايفاها عيب ولا وصمة.. لا أنا أول واحدة ولا آخر واحدة يا جماعة.. احنا في وباء عالمي.. وكل واحد مصاب أو مخالط عليه مسئولية أخلاقية يبلغ اللي نحوه على فكرة عشان ياخدوا احتياطاتهم".

وتابعت: "المهم من أول ما كتبت الپوست وأنا عمال يجيلي مكالمات من صحفيين طالبين تصريحات ومداخلات في برامج مهمة لإدانة مهرجان الجونة ومش فاهمة ليه بجد؟ وكأن فيه ترصد لمهرجان الجونة اللي الحقيقة وبشهادة وزارة الصحة نفسها كان واخد كل الإجراءات الوقائية.. أي فعاليات مش تحت إشراف المهرجان مباشرة لا تخضع لمسئوليته وإنما هي تحت مسئولية منظميها، زائد إن كلنا أفراد راشدين مسئولين عن قراراتنا وسلوكياتنا.. فنهدى شوية يا جماعة". 

واضافت: "وعلى فكرة أستاذة نشوى مصطفى ربنا يقومها بالسلامة يارب ما كانتش في الجونة أصلًا! ووجز ماكنش في مهرجان الجونة ده واحد كان مسافر الجونة مع أصحابه طيب بلاش.. تامر هاشم أعلن إصابته قبل الجونة أصلًا وأكيد تامر هاشم أشهر مني بس ما تعملش على تصريحه الزيطة اللي حصلت امبارح عشان ماكنش في ساعتها جونة نلوم على منظميها.!! كفايا يا جماعة ارحموا نفسكوا.!!. أنا ما شوفتش ناس بتتلكك عشان توقف الحياة بالطريقة دي! ربنا يسلّم ويحفظ الكل".