تامر حسني لـ«بسمة بوسيل»: «سلمتي ودانك لشر السوشيال ميديا وبحبك يا متهورة»

 هاجم الفنان تامر حسني، بعض رواد مواقع التواصل الاجتماعي الذين يتتبعون الشخصيات العامة، ويحاولون تعكير صفو حياتهم وتشويه صورهم حتى إلى أقرب الناس إليهم، ويسببون لهم المتاعب، حيث تعرض مؤخرًا لعدد من الشائعات والتعليقات التي تسببت في خلاف حاد بينه وبين زوجته المغربية الفنانة بسمة بوسيل، حتى أنها أعلنت على صفحتها الرسمية على موقع "انستجرام"، أنها تُحضر أوراق الطلاق.

وقال حسني، في رسالته التي كتبها على حسابه الرسمي: بسمة حبيبتي للأسف أنتي مفكرتيش كويس، وسلمتي ودانك لشر السوشيال ميديا، علشان كام تعليق فارغ نسوكي إنك عرفتيني وأنا مشهور، ودي طبيعة شغلي اللي عرفتيني بيها، أزاي وصلوكي للزعل وللبعد فترة.

وأضاف: المهم أنا مش هزعل منك ولا يرضيني زعلك، أنتي حبيبتي، وأم ولادي أنا سندك وظهرك مهما حصل، بس اللي عايز اقوله لعل نكون سبب خير في توعيه ناس كتير، ليه لما حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقة الناس بمشكله شخصيه بين اتنين ممكن تتحل بالتليفون، أو في زيارة رحيمه بينهم ويا ريت ها مشكله أصلًا وربنا جعل ما بينا مودة ورحمة.

وتابع: يا ريت تركزي مع الناس اللي دعوانا ودعوا لأولادنا بكل خير، وفعلًا أنا بشكر كل الناس والفنانين اللي سعوا في الخير لنا، وأنا واثق أنك زعلانه دلوقتي إنك كتبتي كده، هو تصرف متهور منك بس ولا يهمك، مش عيب الإنسان يغلط ويتعلم وأنا ياما علمتك ولسه هعلمك، كان نفسي الكلام ده يكون بينا لكن أنتي اشركتي الجمهور الكريم فكان لازم أرد هنا، بينا حب غالي، وحياه كريمة وأولادنا، وبينا أغلى ما فيها ربنا يخلينا ليهم ويخليهم لينا يا رب، متهورة بس بحبك.

جدير بالذكر أن، الفنانة أحلام الإماراتية من أوائل النجوم الذين علقوا على خبر انفصال الثنائي، وقالت: حرام والله اعتقد تامر فنان يجنن وبسمه بتجنن وأشوفهم ليبقين لبعض، وشوية مشاكل يا تامر تعدي، علشان عيالنا لا تترك حد يشمت فيكم، وكل المشاكل بالتفاهم تتحل.

واتهم بعض الجمهور تامر حسني بالنرجسية، تعقيبًا على: إنك عرفتيني وأنا مشهور ودي طبيعة شغلي اللي عرفتيني وحبتيني بيها، وكذلك قوله: مش عيب الإنسان يغلط ويتعلم وأنا ياما علمتك ولسه هعلمك، وزعم البعض أن الرسالة تُحمل بسمة كل الخطأ وتُلقي عليها اللوم، وهي ضحية له.