توك شو

ديانا تقيم حفل زفاف لنفسها دون عريس وتعلق: " الراجل ملوش لازمة"

أثارت واقعة غريبة غضب رواد السوشيال ميديا في مصر، بعد أن أقامة "ديانا" سيدة من المحلة الكبرى، حفل زفاف لنفسها دون عريس، وعلقت على زفافها "الراجل مالوش لازمة".

وقالت "ديانا"، البالغة من العمر 36 عامًا: " أنا مش شايفة إن ممكن راجل يدخل حياتي ويضيف فيها حاجة .. اللي بتفكر تتجوز بتبقى عايزة حد يصرف عليها.. تستقر، تخلف، يبقى ليها بيت ، عملت مملكة لوحدي أنا وبنتي، محدش بيتحكم فيا".

وأضافت : "أنا ربنا لم يوفقني في موضوع السند والضهر والطبطبة ، ربنا ما بيديش للانسان كل حاجة ، أنا مقتنعة بدا وراضية ، أنا رزقي في بنتي وشغلي وسكني ، أنا ملكة نفسي".

وتابعت: "لازم الست تبقى قوية ، ما تنتظرش راجل يساعدها ، متوقفش حياتها على وجود الراجل، لأن الراجل بمجرد الانفصال بيتعايش عادي ويشوف حياته ويتزوج ويخلف ولا يشغله طلقته ولا ما حدث لها ، تشغلي انتي دماغك بيه ليه وتحزني وتبكي" .

واكدت: " لازم الست تشتغل ، واللي ما بيعرفش يتعلم وأكيد هيوصل وهينجح وهيبقى قوي، بفضل ربنا أولا ثم مجهوده، طول ما انتي مش بتأذي اللي قدامك انتي خلاص ربنا في ضهرك".