«جسمك بيفكرني بـ واحد صاحبي».. ربة منزل تشكو زوجها أمام محكمة الأسرة بمصر الجديدة

«بتفكريني بواحد صاحبي.. أصل جسمك مفيهوش حاجة تدل أنك أنثى» بهذا الكلمات وصفت زوجة زوجها أمام قاضي محكمة الأسرة بمصر الجديدة ، وعن مأساتها تتحدث" دا خاين، وطول الوقت بيعايرني بجسدي النحيف مع  أنه من وقت ما خطبني وانا بنفس الوزن وكان يقولي انتي مفيش منك ودلوقتي بيقولي أصل اللي وزنهم تقيل بحس معاهم بـ لدلع وأنوثتهم.

وحكيت الزوجة المكسورة حديثها بلهجة حزينة قائلة:« إنها تزوجت منذ 5  سنوات، وبعد فترة من الزواج حدثت بعض المشاكل بينها وبين زوجها علشان جسمها النحيف، في البداية كان معجب جدا بيها وبيقولها انتي رياضية ومختلفة عن البنات اللي عرفتهم،

وأضافت الزوجة المكسورة :«كنت بفرح بكلامه ، لأني كنت بتعرضت لتنمر كتير في حياتي من أهلي وزمايلي وكمان الناس في الشارع» .

وأكملت الزوجة : «اليوم اللي جي وطلب يدي من أسرتي ووافقت حسيت بفرحة لا توصف،  قدام أهلي أني ربنا كرمني بحد شافني حلوه، اتخطبنا اتجوزنا وكنا بنحب بعض جدا بس الحب ده أتحول بعد ما خلفت جسمي زاد نحافة ، وده اللي صدم جوزي فيا وغيره ناحيتي».

واختتمت الزوجة حاولت كتير أروح لدكاترة علشان وزني يزيد شوية بس برده مفيش أي نتيجة، جوزي وصل به الأمر أنه يقعد بالشهور ميلمسنيش، ودايما يقولي أنا حاسس إني عايش مع واحد صاحبي فين الدلع  فين الأنوثة زي اللي عند بقية الستات، بعدها اكتشفت أنه بيخوني مع ستات كتير، لحد ما وصل بي الأمر أني جيت إلى محكمة عشان أخلعه.