بيقولي أنت أبويا ..إحسان ترك يكشف كواليس مقابلة محمد رمضان

محمد رمضان

كشف الفنان إحسان ترك، اليوم الاثنين، كواليس مقابلته مع الفنان محمد رمضان بعد مناشدته بمساعدته، ليعرض عليه الأخير المشاركة معه في مسلسل العمدة.

وتحدث الفنان إحسان ترك عن كواليس مقابلته الفنان محمد رمضان، في تصريحات صحفية وذلك بعد استجابة الفنان محمد رمضان، قائلا: كلموني الصبح قالولي تعالى اللوكيشن علشان رمضان عايزك، ومحمد ده يعتبر ابني، وروحت وأدوني شغل وقابلته، وربنا يصلح الحال.

كما أوضح إحسان ترك: أول ما قابلته خدني بالحضن، وقالي ينفع كده يا عم إحسان ده أنت أبويا، ومحمد راجل جميل، وليا علاقة بيه من زمان، وديه أول مرة أقول الكلام ده بعد آخر عمل اشتغلناه مع بعض أنا ومحمد.

وعن الانتقادات التي يتعرض لها الفنان محمد رمضان، قال إحسان ترك: أنا مقدرش أدخل في شخصيته، ومليش حكم عليه، كل واحد ليه عقله وده راجل متعلم، وعارف يسوق نفسه، وهييجي عليه لحظة ويحصل معاه زي ما حصل معاناة، شغلتنا ملهاش أمان، محمد إنسان وتعب في حياته وجاهد وكافح وعمل حاجات كتير علشان يوصل إلى اللي هو فيه، ولو فتحت مكان ومعملتش تسويق ليه هيتقفل.

كما اختتم الفنان إحسان ترك حديثه عن دوره في مسلسل العمدة مع محمد رمضان، قائلًا: هو دور مش كبير أنا طالع معلم معاه وبيهددني، تاجر من التجار اللي بيتعاملوا معاه.