بطة ومحشي.. ياسمين عز تطالب السيدات بقياس نسبة الجوع لأزواجهم| فيديو

شرحت الإعلامية ياسمين عز، كيفية قياس نسبة الجوع عند الأزواج، محذرة من أن تصل إلى 90%.

ووجهت ياسمين عز، خلال برنامجها "كلام الناس"، المذاع عبر قناة MBC مصر: حديثها للزوجات قائلة"يا ريت يا مدام لما جوزك يكون جعان، مش عايزاكي تقولي هروح أجيب لك تاكل وخلاص، كده انتي مش فاهمة بطنه عايزة إيه، ومش مهتمة بتفاصيله".

وأوضحت: "في 3 درجات للجوع عند جوزك، لو أقل من 50% هنا تجيبي لجوزك سندوتش جبنة أو كوباية شاي مع بقسماط، ولو نسبة الجوع عند جوزك 50% يبقى طبق سلطة أو تونة أو شوية بطاطس محمرة، عشان تأهلي معدته للغدا من غير ما يشبع، أما لو نسبة الجوع أكثر من 50%، تحضري لجوزك الغدا وصينية البطة بالبرتقان أو المحشي أو البانيه والمكرونة، زي ما كنتي بتعملي وانتي عروسة".

وحال وصول نسبة الجوع لـ 90 %، ذكرت: "لازم نكلم أبوكي يشوف حل، لإنك مجوعة جوزك الفرعون الصغير الكبير أو ندعي رينا يهديكي، ولما جوزك ياكل عند حماتك ترجعي تزعلي أنه بيحب أكلها أكثر من أكلك".