السيسي: الشرطة تم استهدافها كثيرًا آخرها منذ هذا التوقيت للاستيلاء على الدولة.. فيديو

صرح الرئيس عبدالفتاح السيسي، بأن الشرطة المصرية تم استهدافه أكثر من مرة آخرها منذ 10 سنوات بهدف هدم هذا الجناح والاستيلاء على الدولة".

وقال السيسي: " لكل شخصية والدراما تشتغل فيها والصورة اللى إحنا محتاجين نحافظ على حسنها هى صورة المصرى اللي بيعمل في القطاع ده لأنه مصري.. وكان فيه محاولات كبيرة اتعملت خلال السنين اللى فاتت، وكان آخرها من عشر سنين أو أكتر.. الهدم كان هدفه حاجة واحدة أن الجناح ده ميبقاش موجود علشان البلد تتاخد.. هو كده للى عاوز يعرف.. نكسر الشرطة ليه؟ علشان ناخد البلد.. نكسر الجيش ليه؟ علشان ناخد البلد أو نضيعها".

وشكر الرئيس عبدالفتاح السيسي، الفنانين المشاركين في العرض الفني خلال احتفالية عيد الشرطة الـ71.

وأضاف السيسي: "بشكر المجموعة كلها.. وعايز اقولكم إننا محتاجين اللي انتوا عملتوه ده.. لو طلع حتي مسلسلات كل مسلسل 5 حلقات لكل شخصية من الشخصيات اللي انتوا ذكرتوها هتعرفوا الناس أن البلد دي طول عمرها ولادة للأبطال والرجال اللي الظروف قدمتهم، بس الناس ما تعرفتهموش، وأن كانت عرفتهم ساعتها ما تعرفهومش دلوقتي".

وقال الرئيس: "أتصور محتاجين نطلع الشخصيات دي بالشكل اللي يليق بيهم، مش لازم بمسلسل طويل ياخد مدة طويلة.. فقرة حتي 5 حلقات".

والتقط الرئيس عبد الفتاح السيسي، الصور التذكارية مع قيادات وزارة الداخلية، و الدكتور مصطفي مدبولي رئيس مجلس الوزراء، وذلك خلال الاحتفال بالعيد الوطني الـ71 للشرطة المصرية.

وبدأت مراسم الاحتفال بالعيد الوطني الـ71 للشرطة بالسلام الجمهوري، وذلك بمقر أكاديمية الشرطة  في القاهرة بحضور الرئيس عبد الفتاح السيسي.

وقام الرئيس السيسي، بوضع إكليل من الزهور علي النصب التذكاري لشهداء الشرطة بمقر الأكاديمية، وكان برفقة الرئيس اللواء محمود توفيق وزير الداخلية، وعقب وضع الإكليل عزفت الموسيقي العسكرية سلام الشهيد

ويشهد الرئيس السيسي، اليوم الاثنين، الاحتفال بالعيد الوطني الـ71 للشرطة، وذلك في مجمع المؤتمرات بأكاديمية الشرطة.

صرح بذلك السفير بسام راضي، المتحدث باسم رئاسة الجمهورية.