أصالة ترد على منتقديها: ريع حفلي في دبي قُدم لأهلنا في سوريا الممتحنة

أصالة

ردت الفنانة أصالة، على منتقديها بسبب حفلها أمس في دبي، رغم معاناة الشعب السوري بسبب الزلزال المدمر، الذي ضرب سوريا وتركيا يوم الإثنين الماضي.

وقالت أصالة، في تعليق مطول عبر صفحتها الرسمية على "انستجرام": "مرّات بيكون فيه ليال وكأنّها هربانه من حلم، وبما إنّنا محاطون بالكوابيس والآلام وواقعنا على شفا حفرة من الانهيار، وغرقانين ببحر هموم ما بين مبارح واليوم حتّى بكره، صرنا بحاجة قشّه نتعلّق فيها بالكي بتوصلنا على شيء برّ".

وذكرت: "مبارح ما كنا أنا وفرقتي لحالنا عالمسرح عم نقدّم مساعدة نفسية ألنا وننقلها للموجودين، كلنا حسينا إنّنا بوسط حشد من أرواح طاهرة أعمام تعزف معنا وتغنّى وَعَلَيْنَا ورحنا بعيد، وتركنا بمطرحنا الهمّ أمانة لنرتاح ونرجع نقوى علينا ونلاقي له حلا ودائماً الحلول ما بتنوجد إلّا لمّا نهدى شوي".

وأضافت: "مبارح حسّينا بحضن كبير كلنا تجمّعنا فيه والمحبة كانت نَقِيه صافية مندفعة طفولية لمستنا كلنا دون استثناء، وأحلى شي صار مبارح إنّنا قدّمنا هالمعونة ممزوجة بالفنّ والطّيب بداية منّ صانع هالليلة الغير عاديّه الكريم الرجل اللي بفتخر بأخوّته وصداقته السيّد عمر الدّهماني من الإمارات العظيمة اللي قدّم كلّ ريع الحفل لأهلنا بسوريا الممتحنة، سوريا التاريخ والأصالة الموجوعة وصرختها صارت الأعلى بين كلّ بلادنا الموجوعة".

وتابعت: "بدعي ربّي يجمعني بحبايبي وأهلي بوطني الغالي قريب وطالما ما زال الخير موجود الأمل دائماً موجودا، شكراً دبي على وجودك زهره نشوفها ونستمتع فيها مصدر أمان وسعادة للعالم أجمع".