تامر حسني يشارك في جريمة سرقة فيلم مسجل في الشهر العقاري

أعلن الممثل أحمد التهامي عن سرقة فكرته التي يناقشها فيلم "تاج"، والذي يقوم ببطولته المطرب تامر حسني.

 

ولفت "التهامي" إلى أن فكرته التي تم سرقتها مسجلة في الشهر العقاري والمصنفات، فهي فكرته من الأساس.

 

وأوضح الممثل أحمد التهامي عبر حسابه الرسمي بمنصة التواصل الاجتماعي فيسبوك قائلا:

أنا سكت كتير عن حقي عشان ما زعلش حد مني.

 اتشلت من أدوار كتير وقولت مش مهم ولحد دلوقتي مش واخد حقي الفني والأدبي.

 قولت كل شيء نصيب والحمد لله على حب الناس والدنيا مستورة.

  إنما توصل إن مشروعي مشروع عمري اللي أنا تعبت فيه كتبته ولفيت بيه على معظم شركات الإنتاج يتسرق مني ويعمله حد تاني.

  أنا أول واحد من 10 سنين فكرت في فكرة البطل الخارق.

 طول الفترة دي كان يتسرق أجزاء من الفيلم وأقول عادي.

 إنما التوأم الخارق ده بتاعي ومسجله في المصنفات والشهر العقاري.

تامر حسني صاحبي وأخويا وأكيد ما يعرفش المعلومة دي.

 أرجو الرسالة توصله لأن أكيد في ناس كتير مؤذية وحسبي الله ونعم الوكيل.

  أنا حاولت أوصل لتامر حسني ومعرفتش.