"بين المدح والانتقاد".. اعرف القصة كاملة لآزمة أحمد آدم وتامر حسني

تصدر اسم الفنان أحمد آدم، والمطرب تامر حسني، محرك البحث العالمي «جوجل»، بسبب حديث آدم، عن صناعة التريند، وفيما يلي نعرض لكم القصة كاملة.

أزمة أحمد آدم وتامر حسني

عرض آدم، خلال برنامجه «آدم شو»، المذاع على قناة الحياة، قضية التريند التى يجري ورائها العديد من الناس، وكشف عن رأيه في هذه الظاهرة، موضحًا أن أي هجوم سلبي أو أي إسفاف تجاه أحد معين أو إساءة لأي شخصية عامة، تجعل صاحبها يصبح تريند على مواقع التواصل الاجتماعي.

وحاول آدم، تجسيد ظاهرة التريند أمام جمهوره، موضحًا: «تعالوا نلعب لعبة، ونقدم مقطعين فيديو واحد إيجابي وواحد سلبي، ونشوف أي تريند اللي هينتشر وأراهنكم دلوقتي إن السلبي هينتشر».

وبدأ آدم، الحديث عن تامر حسني بطريقة إيجابية ليصف جهوده خلال السنوات الماضية حتى الآن، قائلاً: «تامر حسني أول ما طلع قلنا يومين وهيخلص لكن هو بيعمل عظمة، بيقدم أغاني مكسرة الدنيا، وأفلامه مكسرة الدنيا وبيعرف يفكر ويطور من نفسه، وبيخرج ويمثل ويكتب سيناريو، وبيفكرني بأنور وجدي، تامر حسني عدا خلاص أنور وجدي لأنه في الأساس مطرب ويعتبر أحسن مطرب في مصر وبيعمل رومانسي وكام سنة هيطلع لنا تامر حسني، ووجهة مشرفة لنا وأنا بحب تامر حسني».

انتقاد أحمد آدم لتامر حسني

وإثر ذلك تحدث أحمد آدم عن الفنان تامر حسني بطريقة سلبية وانتقاده، قائلًا: «تامر حسني مين مش واخد بالي، مش كفاية عليك كدا بقا ولا إيه، أول ما طلع طلعلنا شعر صدره وقعد يمصمص في شفايفه ويسبّل للبنات وبيقدم شوية أغاني تعبانة ويعني إيه أكتر حاجة بحبها فيكي، طيبة قلبك، إسفاف، وأفلامه وحشة جداً، وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، أنت مغني ولا كوميديان ولا أنت إيه بالظبط؟ كفاية عليك كدا».

رد تامر حسني على أحمد آدم

رد حسني، على حديث الفنان أحمد أدم عنه قائلًا: «استاذ احمد آدم فعلاً بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس و خليتهم يبيعوا مبادئهم و صداقتهم و امانتهم لمجرد إن الناس تعرفهم أو تتكلم عليهم و لو ليوم واحد ونسيوا إنه لا يصح إلا الصحيح عشان ده عدل ربنا، وأي افاقين مع الوقت هتلاقيهم بيختفوا والمحترم الحقيقي هو اللي بيستمر اصل لما نهتم ونرد على كل كداب امال اللي بيحبونا نعمل معاهم ايه!!!!؟ تابعوا قلوب الناس والمواقع اللي هتاخد كلام الاستاذ أحمد السلبي وينشروه وعلموا عليهم عشان تعرفوا حقيقتهم … والحقيقه إن فعلاً الكلام السلبي هو اللي انتشر».

وشكر حسني، الفنان أحمد أدم على حديثه على أعماله ونجاحه، قائلًا: «شكرًا أستاذ أحمد آدم لكلامك وإشادتك الحقيقية في حقي هي شهادة عظيمة من فنان محترم وكبير بفنه وأخلاقه».