توك شو

بعد حفل الإفطار.. أحمد موسى: المطرية وصلت للعالمية| فيديو

شكر الإعلامي أحمد موسى، أهالي المطرية على حفل الإفطار الجماعي قائلًا: «شكرا لأهالي المطرية، ده بقى عادة للناس هناك كل عام والأسر كانت متجمعة مع بعضها، الموضوع امتد إلى 4 آلاف شخص بعد ما بدأ بتجمع بسيط، ووصلت للعالمية».

وذكر «موسى»، خلال برنامج «على مسئوليتي»، المذاع على قناة صدى البلد: «كان في أغاني رمضان، والإفطار شارك فيه أعضاء من السفارة الكورية الجنوبية، كمان أهالي المطرية كانوا عاملين حالة، سواء ستات ورجالة»، موضحًا أن الأمر تطور هذا العام، وكانت الموائد في أكثر من شارع.

وأضاف: «أهالي المطرية كانوا عاملين حالة كبيرة، والتحضير للفطار، سواء كان الأكل محشي أو أي طعام آخر، الناس دي فكروني بالصعيد واللي كان بيتم فيه، الأسر في الصعيد، كانوا يقعدوا مع بعض ويعملوا الفطار مع بعض، وبرضه كانوا بيعملوا كحك العيد مع بعض».

وأشار: «إفطار المطرية بقى له موعد ثابت، وهو يوم 15 رمضان، كان في حاجات كويسة، وحلويات وأكل، وحاجة تليق وتحترم بجد، الموضوع ده كل القنوات العربية نقلت حفل إفطار أهالي المطرية، والتجمع كان كبير وفي حفاوة وحب وتجمع جميل، شوارع المطرية كانت حاجة جميلة، كان تجمع جميل، ده مش موائد رمضان، ده تجمع أهالي في شهر رمضان، كل الناس مع بعضها».