تعرف على أبرز تصريحات فريدة سيف النصر المثيرة للجدل

بعد ظهور الفنانة فريدة سيف نصر أمس ببرنامج مساء دي أم سي مع الإعلامية إيمان الحصري، تصدرت التريند بسبب تصريحاتها المثيرة للجدل

أبرز تصريحات فريدة سيف النصر المثيرة للجدل عن الحسد

قالت الفنانة فريدة سيف النصر: "تعرضت للحسد خلال الموسم الرمضاني اللي فات بشكل غريب، العين صابتني خلال مسلسل جعفر العمدة".

وأضافت قائلة: "أبقى واقفة خلال التصوير والديكور يروح واقع على دماغي والإضاءة وقعت عليَّ والمخرج وهو بيرجع لورا يروح راجع على ضافري يطيره والخاتم اتكسر ودخل جوا صباعي".

وتابعت: "اللبيسة بتاعتي طالعة وأنا داخلة أعمل المشهد وتضرب في عيني من غير ما تقصد، وأنا بيحصل لي حاجات مش لذيذة وبحس إنها حسد".

وأردفت: "مرة واحد سمع صوتي فقال لي هايلة تاني يوم صوتي راح وبقى مبحوح، فأنا على طول محسودة".

حقيقة قيام فريدة سيف النصر بعمليات تجميل

وأكدت فريدة سيف النصر: "أنا ما عملتش أي عمليات تجميل ومش عارف بيطلعوا عليَّ شائعات ملهاش أساس ليه، التجاعيد اللي ظهرت لي دي طبيعية لإني خلاص كبرت في السن".

فريدة سيف النصر تقدم الشكر لهؤلاء الأشخاص

وقالت: "أولًا أنا بشكر شركتنا المتحدة، مش نفاق، معروف عني إني قطر، لكن هما ألقوا الضوء على شغلنا، وناس بتدينا حقنا، بالنسبة لعملين محمد العدل بوجهله الشكر".

وأكدت: "ماندو العدل أصر عليا للمشاركة في مسلسل عملة نادرة، عمري ما قولت لحد عندك شغل إيه".

و أوضحت: “اخواتي عينهم زايغة، ومقدرش أقول لماما لا، وكانوا بيتجوزوا وأنا بربى العيال، وأنا بحب العيال، أنا بيبي سيتر كنت في المسرح الإسكندرية، وأنا الوحيدة اللي بخلص، المسرح وبروح على الفندق، والفنانين كانوا عايزين يخرجوا، ولاد محمود عبد العزيز، ولاد الفيشاوي، مي وسارة ولاد نور الشريف، دنيا سمير غانم، والمطربة شذى، وأنا كنت أقعد بكل دول