هشام حسين: كنت ضابط شرطة ودخول ورش التمثيل كان صعب بالنسبة لي

تكلم الفنان هشام حسين، عن الأعمال الدرامية التي قدمها في موسم دراما رمضان 2023 وهم «بابا المجال وضرب نار ومسلسل حرب».

وأكد هشام حسين، ببرنامج سبوت لايت تقديم الإعلامية شيرين سليمان والمذاع على قناة صدى البلد: تجربتي في بابا المجال مع المخرج أحمد خالد موسى اللي بشوفه مخرج رائع وبيدي مساحة للممثل للمناقشة والكاست كله نجوم كبار جدا، وكان العمل تحدي صعب بالنسبة لي، والحمد لله كنت طالع في أول 5 حلقات بشخصية الرائد يونس، واتبسطت من ردود فعل الناس.

وأعلن هشام، ببرنامج سبوت لايت، عن مفاجأة، قائلا: أنا كنت ضابط شرطة 11 سنة واني أواكب الحدث وأدخل في ورش التمثيل كان موضوع صعب بالنسبة لي وقابلت معاناة في البداية ولكن تخطيت الموضوع ده دلوقتي.

وقال هشام، فوجئت بالمخرج مصطفى فكري بيكلمني باني أشارك في مسلسل ضرب نار كضيف شرف، والدور كان فيه مطاردة عنيفة بيني وبين أحمد العوضي وكان التحدي إزاي أواكب العوضي في مشهد المطاردة بشبرا في روض الفرج واتبسطت بالشغل معاه ومع فريق عمل المسلسل.

وأكد هشام، مسلسل حرب عمل قريب مني جدا وأنا بروح اللوكيشن بكون مش عايز أمشي والمخرج أحمد نادر جلال إنسان عبقري جدا بيبقي عايز يطلع منك كل حاجة واتعلمت منه حاجات كتير، وأول مرة في حياتي أشتغل معاه والشغل مع أحمد السقا ليه طعم تاني خالص وكمان مع محمد فراج وأحمد سعيد عبدالغني.