بيراميدز: حررنا محضر ضد حسين الشحات ونسعى لإيقافه 14 مباراة

بيراميدز

قال هاني سعيد المدير الرياضي لنادي بيراميدز:"موضوع ضرب حسين الشحات لمحمد الشيبي بالقلم صعب جدا وأنا بصراحة مش عارف الشيبي نفسه استحمله كده ازاي، وموضوع المصالحة ده جاء صدفة لو كنت شايف القلم مكنتش هخليه يعتذر لمحمد الشيبي".

وتابع خلال مداخلة هاتفية ببرنامج “الحكاية” الذي يقدمه الإعلامي عمرو أديب بقناة “إم بي سي مصر”:"الشيبي كانت حالته غريبة جدا وبيقولي أنا لحد دلوقتي مش مصدق ومش عارف إيه اللى حصل معايا، قلت له لو لك حق مش هنسيبه وإحنا معاك في أي حاجة".

وأضاف:"الشيبي قال لي إنه اتشتم بالأب والأم وإن حسين الشحات قاله أنا هكسرلك رجلك لو كنت لعبت من أول الماتش".

ولفت:"الشيبي من كتر الصدمة مبيتكلمش ومعملش أي حاجة ولا عمل أي حركة مسيئة".

وأكد:"الشيبي قرر إنه يرجع وأحنا معاه في أي حاجة وحقه يعمل محضر في قسم الشرطة ضد حسين الشحات، ويمكن حسين شايل منه من وقت ماتش السوبر".

وأكد: "لسنا راضين عن العقوبة التي وقعت ضد حسين الشحات من قبل رابطة الأندية، ونرغب في تغليظ العقوبة، وفيه وقائع أقل من تلك الواقعة وكانت العقوبة تصل الي الايقاف ما بين 12 إلى 14 مباراة، لذلك لا يجب أن ل تقل العقوبة عن ايقاف لاعب الأهلي عن 14 مباراة".