.jpg "الاهلي")
السيسي يعلق على الأزمة الاقتصادية: مش إحنا السبب فيها
كتب : أحمد إبراهيم
الأربعاء، 16 أغسطس 2023 05:18 م
-
مشاركة
-
-
-
-
السيسي
قال الرئيس عبد الفتاح السيسي: "بقالنا حوالي 8 سنين بنشتغل على امتداد الدولة ومفيش مكان لم تصل إليه أيدي التطوير بداية من إسكندرية والسلوم وحتى أسوان، وإحنا شغالين كان فيه خطة ورؤية للدولة لشكل مصر ومكانتها واقتصادها حتى 2030 ولكن تعرضنا لأزمتين مكناش سبب فيهم خالص، أزمة كورونا كان ليها تأثير على العالم والحرب الروسية الأوكرانية..مخدناش قرار ورطنا فيه الدولة المصرية، معملناش قرار خطير أو إجراء فيه عدم رشد للدولة".
وأكد خلال لقائه بعدد من أهالي مطروح: "إحنا في أزمة صحيح ولكن هو تحدٍ من تحديات كتير قابلناها، تحدي الإرهاب كان فيه ناس بتقول يا ترى الموضوع ده هيخلص ولا لأ وحالة عدم الاستقرار هتنتهي إمتى ولكن كنت بقول بجهد الناس هينتهي والحمد لله انتهى الإرهاب، وفي جانب من التطوير والتنمية لأهلنا في سيناء وده حقهم علينا، والأزمة الاقتصادية مش إحنا السبب فيها ولكن هنتجاوزها وهتبقى مجرد تاريخ".
وأضاف السيسي: " الدلتا الجديدة مش بعيدة عن مطروح وممكن تشغل ناس أشغال مختلفة وتجارة ومنتجات زراعية تروح في اتجاه أشقائنا في ليبيا، وتوشكى وشرق العوينات مش بعيدة وفيه مناطق تانية مش هنقول عليها دلوقتي لحد لما نطمن على إن الدراسات بتحقق الجدوى".
