السيسي يعطي أهالي سيوة مهلة 6 أشهر لزراعة أراضيهم

السيسي

قال أحد أهالي سيوة، للرئيس عبد الفتاح السيسي: "إحنا كشباب كنا بنتعامل في عهد الأنظمة البائدة كمواطنين درجة تانية وتالتة، ولكن بقينا نحس كمصريين بكل فخر في عهد سيادتك وبنفخر إننا مصريين وعملت لنا كرامة في كل حتة في العالم".

وعلق الرئيس السيسي خلال لقائه بعدد من أهالي مطروح والسلوم وسيدي براني: "ربنا يكرمكم وإحنا لسه كل ده عبارة عن خطوات علي طريق التنمية".

وأخبر مواطن آخر، الرئيس السيسي، قائلا:"قاطرة التنمية من خلال حياة كريمة دخلت كل النجوع وحاسين بيها، وإحنا معاك ياريس وجميع القبائل العربية والعائلات إحنا وراك بدمنا ولا أقول هذا الكلام نفاقا وفي ابتسامتك بحس إني بشوف مصر"، ليعقب الرئيس:"شكرا جزيلا".

وطالب السيسي أهالي سيوة بإحياء أرضهم مرة أخرى، قائلا: "إحنا بقى كل الحاجات اللي شوفتها والأرض اللي ماتت والشجر والنخل اللي راح، أنا قلت من 5 سنين هزوركم ومجتش لسه، عملنا اللى انتوا طلبتوه إحنا النهاردة هديكم 6 شهور تكون كل الحاجات الأراضي اللي اتأذت وملحت والنخل اللى مات نشيل ده كله ونشوف حاجة جديدة، والحاج بلال من سيوة ومعاه فلوس كتير يعني يشوف بقى".

ليعقب الحاج عبد الرحمن جبريل أحد أهالي سيوة:"يا سيادة الرئيس فلوس كتير معناش ممكن تبقى مع الحاج بلال، ولكن إحنا معاك بقلبنا لإنك نقذت مصر كلها"، ليعلق السيسي:"ربنا اللى انقذ مصر كلها وأنا مستنيكم تحيوا الأرض كلها".

السيسي أهالي سيوة سيوة مطروح

اخبار متعلقة