منى زكي: نجاح "تحت الوصاية" بمثابة "طبطبة" من الله بعد تعرضي للانتقادات (فيديو)
كتب : سعدالدين
السبت، 02 سبتمبر 2023 11:22 ص
-
مشاركة
-
-
-
-
قالت الفنانة منى زكي، إن نجاح مسلسلها "تحت الوصاية" كان بمثابة "طبطبة" من الله عليها بعد كل ما تعرضت له من انتقادات وحملات تشويه قبل فترة.
وأضافت منى زكي، خلال لقائها في برنامج "أحلى النجوم" من تقديم بوسي شلبي عبر قناة ten، أن "الحمد لله ربنا طبطب عليا اللي حصل ونجاح تحت الوصاية وتوفيق ربنا في المسلسل. ربنا بيطبط عليا وعلينا كلنا، في حاجات بتكسرنا في وقت لكن الأهم إزاي نعرف نقف تاني على رجلينا ونسد ودننا ونركز في الهدف اللي عاوزين نحققه".
وتابعت: "السوشيال ميديا خلتنا بنتعامل مع ناس مجهولة ومش عارفين إيه ورا تفكيرهم هل دا مقصود ولا مش مقصود حقيقي ولا لأ. أنا بحاول مهما حاجة وجعتني وكسرتني أعرف أقف وأركز في هدفي، وأنا هدفي أعمل فن حلو أكون مستمتعة بيه ودا بيوصل للناس".
وكانت منى زكي فازت بجائزة أحسن ممثلة باختيار لجنة التحكيم وأحسن ممثلة باختيار الجمهور عن دورها في مسلسل "تحت الوصاية" من مهرجان القاهرة للدراما، بالإضافة إلى تكريمها عن مجمل أعمالها.
وعلى جانب آخر، تعود منى زكي للتعاون مع الفنان كريم عبد العزيز بعد 14 عاما على فيلمهما "أبو علي" وذلك في فيلم "لعب عيال" مع المخرج طارق العريان.
