طلب عاجل من طارق الشناوي للفنان محمد هنيدي

محمد هنيدي

قال الناقد الفني طارق الشناوي: إن الفنان محمد هنيدي بحاجة للابتعاد في الفترة المقبلة عن البطولة المطلقة، وعليه أن يفكر في بطولة مشتركة مع كريم عبد العزيز أو أحمد عز، والذهاب لدائرة أدوار أخرى.

وأضاف:"فكرة إن محمد هنيدي يبقى البطل المحوري ورقة وانتهت، وبقوله العب بقى في سكة تانية وتعمل عمل فني أنت أحد الأبطال ومش شرط تبقى البطل الأول وإذا راح السكة دي ممكن يبقى عنده زمن تاني في السينما".

وتابع:"محمد هنيدي وعد جمهوره قبل مرعي البريمو، وزود أوي سقف التوقعات، والواقع كان هزيلا ومفيش فيه شيء جديد ولا مختلف، والفيلم في أسوأ حالات المخرج والكاتب والنجم والعناصر كلها مجتمعة أدت للفشل الذريع للعمل".

وأكمل:"هنيدي بيدخل الفيلم وعنده قناعة إن الناس هتضحك، الجمهور مبقاش بيضحك علي اللي كان بيضحكه قبل كده، ومعدش هنيدي هو هنيدي اللي قبل كده، والوهج الداخلي اللي عند هنيدي انكسر، وقبل كده فيلم نبيل الجميل أخصائي تجميل نفس الكارثة بس الكارثة المرة دي اكتر، بس نفس الحكاية إنه بيعتقد إن الناس بتضحك والإفيهات بتجيب مفيش حاجة بتجيب وكل الممثلين في مرعي البريمو في اسوأ حالاتهم زي غادة عادل وعلاء مرسي".