رانيا يوسف
طالبت الفنانة رانيا يوسف، في تصريحات لبرنامج et بالعربي، بضرورة مناقشة قوانين الأحوال الشخصية، مشيرة إلى أن مسلسل "تحت الوصاية" عمل خطوة مهمة جدًا بخصوص قانون الوصاية.
وأضافت يوسف أن "القوانين الخاصة بالمرأة لازم يتعملها تحديث، يعني البشر بتعمل تحديث خصوصًا الرجالة بتعمل تحديث بعد الافتراء على النساء، والنساء بردو لازم تعمل التحديث ده".
وأكدت يوسف أنها تحب عمل جلسات التصوير، وبالأخص في لبنان، بسبب الجبال والمناظر الجميلة.
وعن خلافاتها مع طليقها محمد مختار، قالت يوسف إن "أبو بناتي متحسنش، ولسه زي ما هو وفيه تقصير منه في الوقت والفلوس، لما بيشوفوني اني امرأة قوية ومستقلة وجامدة وأقدر اتحمل بيرموا الحمل عليه".
وتابعت يوسف: "واحنا كستات لما بنلاقي الطرف الآخر بيقصر ناحية واجباته احنا بنبقى الستات والرجالة في نفس الوقت، وهي دي المشكلة وبعدين يقولوا الستات استرجلت ليه لإنه للأسف الرجالة خابت وهي دي المشكلة".
