أحمد موسى لـ"طنطاوي": نازل الانتخابات ولا عشان تعمل فوضى في الشارع| فيديو

شن الإعلامي أحمد موسى، هجومًا حادًا على المرشح الرئاسي المحتمل أحمد طنطاوي، قائلًا إنه تم صناعته لإحداث فوضى في البلد.

وتسائل "موسى"، خلال برنامجه "على مسئوليتي"، المذاع على قناة صدى البلد: "هل أنت محتاج أن البرلمان الأوروبي يدعمك؟"، مضيفًا: "طنطاوي ذهب إلى دمياط، والعيال الذين يمشوا معه اعتدوا على المواطنين، لما طلبوا منه إن يمشي، وأبلغوه أنهم مش هيعملوا توكيلات له".

وقال "موسى"، إنه كان يتمنى أن يرد رموز المعارضة على بيان البرلمان الأوروبي، لأن الاستقواء به ضدكم مش لمصلحتكم، متابعًا: "هل تقبلوا كمواطنين، أن تهدد دولة بلدكم، وتتدخل في شئونها".

وأكمل "موسى"، حديثه الموجه لـ"طنطاوي"، قائلًا: "نازل عشان الانتخابات، ولا عشان تعمل فوضى في الشارع"، متابعًا: " ضرب الناس عشان يقول بيضربونا، وهو راح الدقي وقعد مع الناس ومحدش منعه".

وذكر: "أحمد طنطاوي ليس له وجود، ومش عارف يجمع التوكيلات، وفي ناس لا تعرفه، طيب يا طنطاوي أيه الفارق بينك وبين ميليشيات الإخوان، ليه تضرب المواطنين في الشارع يعني لو كده ممكن تسحل الناس في الشارع"، مؤكدًا أن أجهزة ومؤسسات الدولة لم ولن تتدخل في عملية الانتخابات الرئاسية.

وعن البرلمان الأوروبي، صرح: "مالك ومال التوكيلات، أيه دخلك، ده أمر خاص بمصر، ونعمل انتخابات حرة زي ما قال الكتاب أحسن من عندكم، الدول الأوروبية بيحصل فيها كوارث، ليه مركزين مع مصر".