بعد التشهير إعتذار .. شقيقة شيرين عبد الوهاب الوهمية تثير الجدل عبر السوشيال

اعتذرت سيدة تدعى منيرة عبر صفحتها الشخصية بموقع الفيديوهات القصيرة  تطبيق «تيك توك» للمطربة شيرين عبد الوهاب وشقيقها محمد بعد ادعائها فى فيديو أمس الأربعاء الموافق 11/1/2024،  أنها شقيقتهما من الأم.

كما أضافت منيرة فى الفيديو الجديد : احنا شعب بطبيعته بيحب الهزار ولكن أنا مشهرتش بشيرين، اللى شهر بشيرين اللى روج للفيديو دون التأكد منه، يا شيرين حقك عليا انا كنت بهزر والناس اللى خدته بجد عايزين يعملوا قلق.

وأعلن محمد عبد الوهاب شقيق الفنانة  شيرين عبد الوهاب مقاضاة فتاة تزعم أنها شقيقتهما.

كما كتب عبد الوهاب، منشورًا، عبر حسابه الشخصي بموقع التواصل الإجتماعي  «فيس بوك» قال فيه: “حسبي الله ونعم الوكيل.. أهو زي ما أنتوا شايفين كده.. ناس مريضة وحقودة ومقرفة وغلاوية.. وبلاوي بتتحدف علينا.. وناس أقسم بالله ولا لينا علاقة بيهم.. مستنقع قذارة”.

وأكمل محمد عبد الوهاب، شقيق شيرين عبد الوهاب: “خلصنا من لوسي جابتلنا توتي وناس ولا تعرفنا تطلع تقول علينا كلام كله افترى، ما يعلم بيه إلا ربنا، ودلوقتي واحدة بتقول أنها أختنا من الأم وبكرة واحدة تانية من الأب، وشوية ونلاقي أخواتنا في الرضاعة كمان، ما هي هيصة بقى ومش هنخلص”.

كما اختتم  شقيق شيرين عبد الوهاب محمد عبد الوهاب منشوره: “مش عارف أقول حسبي الله ونعم الوكيل على مين بالظبط، على الناس دي، ولا على اللي حطنا في الليلة دي غصب عننا”، مؤكدا: “سيتم تقديم بلاغ رسمي ضد المريضة دي.. نشوف إيه حكايتها.. ومين وراها”.