الشعب المصري عايز يفرح .. إبراهيم فايق يوجه رسالة للاعبي المنتخب عبر أكس

بعث الإعلامي إبراهيم فايق، رسالة للاعبي منتخب مصر قبل لقاء منتخب كاب فيردي، اليوم السبت الموافق 20/1/2024

كما كتب عبر التواصل الإجتماعي  آكس توير السابق : “‏اليومين دول هم اللي بنستناهم كل بطولة أمم علشان نفرح بمنتخب بلدنا.. لازم اللعيبة والجهاز الفني يوصلهم صوتنا.. إحنا غضبانين وزعلانين.. اشتغلوا واعملوا اللي عليكم واحنا راضيين.. موتوا نفسكم في الملعب واحنا وراكم.. مشكلتنا اننا ماشوفناش أي مؤشر إيجابي.. فياريت تعذروا خوفنا وغيرتنا وصالحونا”.

وأكمل الإعلامي إبراهيم فايق: “‏يارب الماتشين اللي فاتوا نكون اتعلمنا منهم.. يارب نكون على قلب راجل واحد.. مفيش حاجة في المعادلة اتغيرت.. ‏(بنشجعكم ووراكم بس إنتوا فرحونا.. وحسوا بينا)”. 

وفي النهاية قال : “‏الشعب ده محتاج ينزل في الشوارع بأعلام مصر ويعيش ليلة زي ليالي زمان لما كنا بنكسب بطولة الأمم ‏يارب البطولة تبدأ بالنسبة لنا وبالنسبة لكم من ماتش كاب فيردي.. واحنا موافقين ننسى اللي فات ‏شدوا حيلكم يا رجالة مصر”. 

جدير بالذكر تعادل منتخب مصر مع منتخب غانا إيجابيا بهدفين لكل منتخب أثناء المباراة التي أقيمت بينهما امس الخميس الموافق 19/1/2024 على ملعب فيلكس أوفوي بوانيي في مدينة أبيدجان بكوت ديفوار ضمن منافسات المجموعة الثانية لبطولة كأس الأمم الأفريقية 2023.

ويوم الإثنين  المقبل من المقرر أن يلتقى منتخب مصر امام الرأس الأخضر 22 يناير 2024، العاشرة مساءً بتوقيت القاهرة.

كما يحتل منتخب مصر المركز الثاني في ترتيب فرق المجموعة برصيد نقطتين من تعادلين، وتتصدر كاب فيردي بـ3 نقاط، وموزمبيق ثالثًا وغانا رابعًا بنقطة واحدة لكل منتخب.