أحمد فهمي: طول عمري عيني مليانة.. ومدمن بشراء هذا الشئ

كشف الفنان أحمد فهمي، عن أن عنده عقدة من شراء الأحذية، قائلا: "عندي عقدة من الاحذية، وأنا صغير كنا عيلة كبيرة ومرتب والدي كان قليل وكان بيجيب لي جزمة واحدة في السنة عيد ومدرسة وكل حاجة وكان ضد اللعب بيها كرة وكنت بلمعها علطول".

واضاف احمد فهمي، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، أنه حينما كبر وبدأ يشتغل تحول لمدمن شراء جزم، متابعا: "بقيت مدمن جزم وممكن اشتري جزمة عشان عجبتني شكلها وممكن ملبسهاش ولكن طول عمري عيني مليانه وعمري ما كنت ببص لحد".

وتابع: "لو معايا ومش معايا أنا تمام واللي بأخذ بالي منه دلوقتي المستقبل عشان مراتي وعيالي واسرتي وبعرف احوش، وبعرف اقسم الفلوس ما بين تحويش وصرف وانا شخص كريم وبحب استمتع بحياتي".