ريم البارودي لمنتقدي لبسها الحجاب في الكعبة: أنت مالك لما أرجع ألبس عريان ولا ملبش

ريم البارودي

انتقدت الفنانة ريم البارودي، بعض متابعيها بسبب انتقادهم لها لدى ارتدائها الحجاب في الكعبة.

وقالت "البارودي"، في حوارها مع الإعلامية بسمة وهبة، مقدمة برنامج "العرافة"، المضاع على قناتي المحور والنهار: "مش بقدر أمسك نفسي، ولو قدامي همسكه من لسانه، وقلت لواحد منهم يا أهبل يا عبيط"، مضيفة: "الذباب الإلكتروني والمرضى النفسيين بهاجمهم، كنت في بيت ربنا، وأنت مالك لما أرجع ألبس عريان ولا ملبسش، أنا اللي هتحاسب ولا أنت؟!".

وذكرت: "عندي المتابعين والفانز بتوعي بقابلهم، وكانوا معايا في العزاء والتكريمات والتصوير وعلى طول معايا، دي ناس محترمة".

وفي سياق آخر، أكد "البارودي"، أنها تغضب من ربطها باسم طليقها الفنان أحمد سعد، مضيفة: "دي التريندات الرخيصة والمواقع اللي بقت معتمدة عليها، والمواقع دي لما راجل ينفصل عن ست بيحطوا ست تانية معه، ويعملوا أفيش ورخص".