يسرا اللوزي توضح أسباب رفض دخول بناتها مجال الفن| فيديو

أرشيفية

أكدت الفنانة يسرا اللوزي، أنها ترفض دخول بناتها مجال التمثيل، ليس لأنهن بنات، ولكن لأن مهنة التمثيل صعبة للغاية.

وقالت "اللوزي"، خلال استضافتها في برنامج Out Box، عبر سوشيال قناة صدى البلد: "أنا معنديش الازدواجية دي، ولكن عشان ظروف المهنة صعبة جدًا، وبتبقى أصعب وأصعب كل سنة، من ساعة ما بدأت وحاليًا الظروف أوحش".

وعن الطريقة التي تعاقب بها بناتها، ذكرت ساخرة: "هم اللي بيعاقبوني والله، يعني بحرمهم من حاجة هم بيحبوها مثلاً، يعني مايبقاش كل حاجة بتيجي بالساهل من غير ما يستاهلوها، لازم يعملوا المطلوب منهم عشان أنا كمان أسمع كلامكم".

وعن الشروط التي يجب توافرها في مهنة التمثيل حتى توافق على دخول بناتها المجال أوضحت "اللوزي": لما يبقى بنشتغل 8 ساعات في اليوم، وفي قانون عمل والنقابة بتابع الحاجات دي، وفي تأمين على الناس اللي بتصور، ونبقى بنشتغل في ظروف آدمية أكتر ممكن أوافق".