لبلبة للزعيم: كل سنة وانت طيب يا أحلى إنسان في حياتى

لبلبة والزعيم

قالت الفنانة لبلبة، مساء اليوم الخميس الموافق 16/5/2024، انا عاوزة أقول حاجات كثيرة للزعيم واقوله كل سنة وانت طيب يا أحلى انسان في حياتى انا عملت معاه انجح أعمالى ودوقت النجاح معاه، وهو بفنه العظيم وإخلاصه لفنه جعل أعماله محفورة في وجدان الناس.

وأكملت الجميلة لبلة خلال مداخلة ببرنامج الحياة اليوم مع الاعلامى محمد مصطفى شردى المذاع على قناة الحياة : عادل إمام انا عارفة ان سعادته انه يسعد الناس ودايما كان يقولى شوفتى الفيلم الناس بتضحك وهى دى الحاجة اللى بتسعده .

وأكملت: كان مهم جدا بالنسباله ان الفيلم يعجب الناس، واسعد أيام حياتى هي اللى اشتغلت معاه فيها عملنا انجح أفلام مع بعض وهو اللى نزلنى في التليفزيون ، وبعد ما اشتغلت لقيت ولادنا في المسلسل بيجروا علشان يتفرجوا على نفسهم في المونيتور وجريت اتفرج معاهم قاللى بلاش عمر الفنان ما يعجبه نفسه كان بيعلمنى .

وأضافت لبلبة : وحتى الان لا يمكن اتفرج على نفسى ، وهو ما يتفرجش كثير على اعماله وياما سساعدنى في أدواره وكان بيبقى مبسوط جدا لما يبقى معاه فنان ناجح وياما ساعد ناس وكان بيدينى إفيهات علشان أقولها وهو ادانى في فيلم احترس من الخط وقاللى على البتاعة دى قاللى انها هتعلق مع الناس .