تعليق صادم من أحمد فهمى بشأن تعدد الزوجات بعد انفصاله عن هنا الزاهد

كشف النجم أحمد فهمى، خلال الساعات القليلة الماضية،  عن رأيه فى فكرة تعدد الزوجات، خاصة أنه تزوج أكثر من مرة فى فترة قليلة، مؤكدا أنه أمر جيد وجده خاض هذه التجربة من قبل.

وأوضح فهمى، فى برنامج “فى البوكس”: “تعدد الزوجات حاجة صعبة بس جميلة، جدي اتجوز 17 واحدة بعد سن الخمسين وبعد ما جدتي اتوفت”.

وعن مدى احتمالية تنفيذ ما فعله جده، قال أحمد فهمى: “أنا لسه قدامي فترة عشان ابدأ، معرفش ممكن أعمل زيه ولا لأ، عمري ما أقدر أقول، هو أنا كنت أعرف إن حياتي هتبقى كدا؟”.

حلَّت الفنانة هنا الزاهد ضيفة مع الإعلامية إسعاد يونس في برنامج “صاحبة السعادة”، وأوضح عن تفاصيل انفصالها عن الفنان أحمد فهمي، وكيف تخطت تلك التجربة، وعن تفاصيل أخرى بخصوص حياتها الشخصية وعلاقتها مع والدها ووالدتها وأخواتها البنات.

وقالت هنا الزاهد في لقائها: عمري ما أتخيل حاجة اسمها طلاق، وربنا كان عارف إني مش مؤهلة لحاجة زي دي، وسهلها عليا، والموضوع حصل بالتدريج خلال 8 شهور، لو رجع بيا الزمن هخوض التجربة تاني، عشان أنا مكنتش هتعلم غير لما أتخبط جامد عشان أركز في اختياراتي بعد كده، ولكن مش أي حد نصدقه وندخله بيتنا وحياتنا، ومنزلتش دمعة بعد انفصالي وركزت مع نفسي، وقررت أشفى هنا من كل حاجة واتخطيت وكنت راضية جدًا".

وأوضحت عن علاقتها بأخواتها ووالدتها وقالت: "شقيقتي نور رايقة بتحب السفر والميك أب، وفرح نفس شخصيتى، وأمي بتحب تدلعنا، ومش بتجبرنا على المذاكرة، وكنت بعاندها وشاطرة دايمًا، وفي آخر عامين اتصاحبت على شلة واترفدت أسبوع من المدرسة".

أما عن علاقتها بوالدها، فقد كشفت سرا جديدا وقالت: “بحب اللى يحتوينى وأشعر معاه بالأمان، ووالدي شخص جميل لكن مش بشوفه كتير، وكان نفسى يكون معايا فى كل مراحل حياتى ويسمع كل اللى جوايا فهو مثقف كان هيفيدني من تجاربه وأنا مفتقداه فى حياتي”.