.jpg "الاهلي")
وجهت الفنانة مي فاروق رسالة غامضة ومؤثرة على صفحتها الرسمية على موقع التواصل الاجتماعي.
رسالة مي فاروق للجماهير
وكتبت مي فاروق على صفحتها:"الدنيا ولا تسوى ولا مستاهلة، الحبايب بيروحوا في لحظةراعوا ربنا في معاملاتكم عشان تسيبوا سيرة طيبة تفضل مكملة بعدكم لأولادكم، ركزوا مع اللي بتحبوهم من قلبكم قوي في الدنيا قبل الاخرة، طلعوا المؤذيين واللي ظلموكم بره حياتكم بسرعة".
واضافت: "أرضوا ضميركم أمام الله وارضوا ربنا اعملوا الخير والطيب اللي هيفضل لكم وواجهوا نفسكم باخطاءكم قبل فوات الأوان، أنا عن نفسي ولأن الدنيا مش مضمونة بدعي ربنا من قلبي يكون كاتب لي أوقف ولادي على رجلهم، وبعدين أسيب الدنيا ويوم ما أسيبها اتمنى أقابله بنفس نضافة قلبي اللي ربنا عارفه وبعملي".
مي فاروق: اللي أذوني محرم عليهم جنازتي
وواصلت: "أما الناس اللي ظلمتني وأذتني عارفين نفسهم وأهلي يعرفوهم متحرم عليهم الصلاة عليا ولا جنازتي ولا عزايا ولا يقربوا من ولادي عشان هيبقوا كدابين ومنافقين ومش مسامحاهم في الدنيا ولا في الاخرة، اصل المسامحة دي قدرات وربنا مش بيكلف نفس إلا وسعها".
وأكملت: "على قد كل الطيب الحلو اللي شافوه مني وقابلوه بأذي والحمد لله لا بنرد اذي ولا بنضر، بنفوض امورنا لله وحده وبيكرمنا وافضلوا كملوا في الحلو ماتبطلوش كله بنعمله لربنا ولنفسنا وبيقعد لنا بعد ما نمشي، اعتبروها وصيه متعلقه في رقبة كل اللي يعرفني، الدنيا متفاته وف الاخره كله بيبان، وبعد ما نمشي مش هيفضل مننا إلا سيره يارب اجعلها طيبه ومكمله مع ولادنا يارب
