حقيقة إيقاف إمام عاشور ومدرب الزمالك وتوضيح عقوبة مروان حمدي

تحدث الإعلامي أحمد شوبير، عن الأنباء التي ترددت في الساعات الأخيرة، حول فرض لجنة الانضباط في اتحاد الكرة المصري، لعقوبات صارمة ضد إمام عاشور لاعب النادي الأهلي ومروان حمدي نجم بيراميدز على خلفية مباراة الفريقين في الموسم الماضي، وكذلك إيقاف جوزيه جوميز مدرب الزمالك.

حقيقة إيقاف إمام عاشور 4 مباريات

وقال أحمد شوبير في تصريحاته الإذاعية اليوم الثلاثاء: "خرجت بعض الأخبار امبارح بخصوص عقوبات لجنة الانضباط وهي إيقاف إمام عاشور 4 مباريات ومروان حمدي 6 شهور وجوميز 6 مباريات".

جمال علام يوضح حقيقة العقوبات ضد مدرب الزمالك وإمام عاشور

وأضاف شوبير: "أنا استفسرت من جمال علام وقالي الكلام دا غير صحيح، واستفسرت أيضًا من وليد العطار وقال ان القرارات هتعلن قبل رحيل المجلس الحالي لكن لسه مفيش قرارات جت لحد دلوقتي".

وتابع شوبير: "اتكلمت مع مصادر تانية وقالولي لا توجد أي عقوبة من الأساس على إمام عاشور ولا يوجد اتجاه لمعاقبته، ودا فعلا صحيح لان إمام متطاولش على حد لان معملش حاجة غلط".

إيقاف مروان حمدي 6 مباريات وليست أشهر

وأوضح شوبير: "عقوبة مروان حمدي 6 مباريات مش 6 شهور، واتقالي ان في عقوبة على جوميز لكن لسه مش معلومة، واحقاقًا للحق قيل لي ان القرارات دي اتسلمت لـ اتحاد الكرة من فترة كبيرة جدًا لكن اتحاد الكرة لسه مأعلنش لحد دلوقتي وعلى كلام وليد العطار ان اتحاد الكرة هيعلن القرارات قبل ما يرحل".