عنده نقص.. كزبره يرد على خلافه مع محمد رمضان

نشب خلاف جديد بين الفنان محمد رمضان والفنان كزبرة، مما أثار تساؤلات واسعة على مواقع التواصل الاجتماعي حول سبب عودة التوتر بينهما بعد فترة هدوء دامت أكثر من عام.

وكان الخلاف السابق قد بدأ عندما قام كزبرة بحذف أغنية "خمسة" الخاصة بمحمد رمضان بسبب حقوق الملكية.

تفاصيل الخلاف الأخير بعد عرض فيلم "الحريفة 2"

عاد الخلاف للظهور من جديد بعد أن احتفل كزبرة بعرض خاص لفيلم "الحريفة 2"، وعند سؤاله عن وجود خلاف مع محمد رمضان، أجاب قائلاً: "حبيبي لو زعلان البحر هناك مليان"، مما أطلق العديد من التساؤلات حول طبيعة العلاقة بينهما

كزبرة يرد على محمد رمضان

وكتب كزبرة على صفحته الرسمية: "أول حاجة الحمد لله على نعمة ربنا عليا، وحبكم ورسائلكم الجميلة اللي بتوصلني، ورد الفعل الجميل منكم على فيلم الحريفة 2،كلام كتير نفسي اقوله واعبر بيه ليكم، والله يجماعة الكلام ده نفسي اقوله من بدري بس حاسس أن ده وقته، أنا مش عارف ليه كل لما انجح في ناس بتحاول تتطلع صورتي وحشة، أنا بجد نفسيا مبقتش قادر وبقالي فتره كبيرة كل لما اعمل حاجة حلوة، مبقتش عارف اتبسط بيها ونفسيا مش احسن حاجة".

كزبرة يرد على محمد رمضان: شخص تافه

وأضاف: "ربنا اللي عالم الواحد كل اللي يهمه انه يقدم حاجة تعجبكم وتسعدكم، بس في ناس بتتعامل مع اللي بيقدم حاجة كوميدية على اساس انه شخص تافه مش موهوب، والواحد عشان بيتعامل بطبيعته ومش بيتصنع بتحاولوا تشوفوا ازاي تطلعوا في عيب قدام جمهوره واخواته إلى بيحبيوه، زي أن يتنسبلي كلام مقلتهوش أو يتقلل مني بحاجات قديمة عملتها".

وتابع: "احيانا الكلام عليا بيوصل للتريقة على اسمي بمجرد ما يعمل حاجة حلوة وتعجبهم ،أنا مش عارف ليه وده السبب إلى ببيخلي انسان طيب اول ما ينجح يتحول لانسان عنده نقص وعنده حرب مع كل إلى حوليه، زي ناس كتير نجحت وبقوا يتعاملوا بنرجسية عشان يعرفوا يتعاملوا مع الواقع ،فأنا يجماعة مش عايز أوصل للمرحلة دي".

و أختتم: "أنا عايز أبقى إنسان طيب وفحالي واشتغل على نفسي واقدملكم فن يعجبكم ويبسطكم ،هو ده هدفي فبلاش تتعاملوا مع الواحد باسلوب هو مش حبه ،وشكرا لكل واحد بيدعمني من قلبه واي حد بيحب اللي بقدمه أو حتى بينتقده بأسلوب كويس انتم اللي تهموني".