احنا بتوع التريند والهرتلة.. إبراهيم فايق يفتح النار على ميدو

شن الإعلامي إبراهيم فايق هجومًا حادًا على رموز الأندية المختلفة، التي ترفض دعم النادي الأهلي في كأس العالم للأندية، وتصرح بتصريحات مثيرة للجدل على المنصات الإعلامية، وكان أبرزهم ميدو.

إبراهيم فايق يرد على تصريحات ميدو: "من بعد قرعة كأس العالم للأندية بوجود الأهلي أنا مصدوم من كم الهرتلة اللي بقالها ٤٨ ساعة وخليكوا فاكرين كويس الاسماء اللي هتاخد الجمهور لحتة وحشة عشان البوم طخ".

فايق: هنسلخ الأندية من هويتنا المصرية

وأضاف فايق في تصريحاته: "شفتني وأنا بقول مش هشجع الأهلي، شفتني وأنا بقول الأهلي مش بيمثل إلا نفسه.. أومال بيمثل مين؟ هو أحنا هنسلخ الأندية بتاعتنا من هويتنا المصرية ونعلم ده للعيال الصغيرة عشان احنا بتوع التريند؟".

وتابع: "أي شخص يطلع على الشاشة يفكر انه لما يقول كده هيفرق مع حد واهم، الأهلي مش مستنيك تشجعه ولا هيزيد بتشجيعك ولا هينقص بعدم تشجيعك".

إبراهيم فايق يتوجه بطلب لخالد عبد العزيز

واختتم: "أنا فاكر في حد قال جملة شبه دي من سنتين أتوقف، مينفعش نسلخ الأندية المصرية من هويتها المصرية وأنا كشخص إعلامي يا اقل خيرًا يا اسكت وأسيب الحاجات دي للجمهور، وأنا بطالب خالد عبدالعزيز أن فيه ناس لازم تتوقف وتقعد في البيوت عشان تحترم مهنة الاعلام".