بسمة بوسيل ترد على تألقها بعد طلاقها من تامر حسني

تحدثت بسمة بوسيل عن مشوارها الفني بعد طلاقها من تامر حسني في الفترة الأخيرة، وعودتها للغناء من جديد وطبيعة علاقتها بالفنان تامر حسني ووالد بناتها.

عودة بسمة بوسيل بعد الطلاق

وقالت بسمة بوسيل في تصريحات تليفزيونية: "مكنش ينفع أغني وأنا متجوزة، ورجعت أغني بعد الطلاق، وأنا ولادي وعائلتي عندي بالدنيا، وكل حاجة عدت كانت مستاهلة اللي عملته".

بسمة بوسيل تعلق على استراحة المحارب

وأضافت بسمة بوسيل: "مفيش حاجة اسمها استراحة محارب، هو أنا كنت بحرر أرض محتلة؟، أنا رجعت علشان حبي للغناء. وأنا صغيرة كنت عارفة أن العائلة أهم حاجة بالنسبة ليا، ولما كبرت وعملت كل حاجة علشان أفضل في العلاقة ومنفعش مشيت مع الحياة".

بسمة بوسيل: معيطش بعد طلاقي من تامر حسني 

وواصلت: "مقعدتش أعيط وأقول مش هعرف أعمل حاجة، دورت أنا عايزة إيه ورجعت للغناء، أنا عملت في حياتي تضحيات كتير علشان عائلتي، ولكن زي ما ربنا بيأذن بالجواز بيأذن بالطلاق، وكل حاجة مكتوبة في كتاب مينفعش نهرب منها.

وأردفت: "تامر حسني داعم ليا، ولو فيه أغنية عجبتني واتباعت بكلمه، وهو بيحاول ميخليش حاجة في نفسي، ومهندسين الصوت بتوعي هما مهندسين الصوت بتوعه، وأنا عندي 33 سنة، ومفيش حاجة عملتها ومكسبتش منها، أنا حاليًا مركزة أوي في الغناء، وعايزة يبقى عندي فن والناس بتسمعني بجد وتحس باللي عايزة أقوله".