اتهامات خطيرة من الغندور لرئيس كاف بسبب جوائز الأفضل ومصطفى شوبير

شن الإعلامي خالد الغندور نجم الزمالك السابق، هجومًا حادًا على الاتحاد الأفريقي لكرة القدم "كاف"، بسبب جوائز الأفضل في القارة، والتي تم الكشف عنها بالأمس.

الغندور: ماذا قدم ويليامز حتى يتوج بأفضل لاعب؟

وقال الغندور في مقطع فيديو على صفحته: "رونوين ويليامز حارس مرمى، وقدم مستوى مميز في بطولة أمم أفريقيا 2023، لكن إزاي ويليامز، يتم ترشيحه من أحسن اللعيبة خارج القارة ومن أحسن اللعيبة داخل القارة وأحسن حارس، هو عمل إيه! إيه إنجازاته، طلع الثالث في كاس الأمم الأفريقية، لم يفعل شئ مع نادي صن داونز، وبطولة السوبر الأفريقي التي حصل عليها صن داونز، كانت في نهاية 2023".

وأضاف الغندور: "ويليامز، مفزش بأي حاجة ومفزش بأي بطولة مع ناديه، ليه ويليامز، ياخد أحسن لاعب داخل القارة وأحسن حارس في أفريقيا، مصطفى شوبير، حافظ على نظافة شباكه في 9 مباريات في دوري أبطال أفريقيا، وتم استبعاده من القائمة النهائية".

الغندور: الشحات وزيزو أحق بجائزة أفضل لاعب

وواصل خالد الغندور: "ويليامز، اللي محققش أي حاجة يترشح لكل حاجة وياخد جوائز، ده عشان رئيس الاتحاد الافريقي وابنه صاحب نادي صن دوانز، ياخد الجائزتين ولا حسين الشحات وزيزو ياخدوها، ويليامز، خد أحسن حارس، بتديله أحسن لاعب ليه؟ يعني إيه أحسن حارس يبقى أحسن لاعب! طبيعي ومنطقي جائزة أفضل لاعب تكون بين زيزو والشحات".

الغندور: الزمالك احترم ناس مبتحترمش حد

وتابع الغندور: " الاتحاد الأفريقي قدم دعوة لحسين لبيب وزيزو، عشان يحضروا الحفل، والزمالك مياخدوش أحسن نادي ولا زيزو، أفضل لاعب! الناس دي احترمت ناس مبتحترمش حد، المشكلة ليست في عدم إعطاء الزمالك جائزة أفضل نادي، المشلكة الحقيقة في عدم إعطاء زيزو، أفضل لاعب داخل القارة، بسبب حارس حصل على جائزة أفضل حارس".

واختتم: "موتسيبي وابنه عملوا شغل عشرة على عشرة، عشان حارس صن داونز وعشان يبستبعدوا محمد صلاح، من ضمن اختيارات أفضل لاعب في أفريقيا".