تسريب مكالمة هاتفية نارية بين شاليمار شربتلي وبسمة وهبة يكشف المستور

تداول مستخدمو مواقع التواصل الاجتماعي تسجيلًا صوتيًا زعموا أنه بين الفنانة التشكيلية شاليمار شربتلي والإعلامية بسمة وهبة، حيث دارت بينهما مشادة كلامية بسبب قضية عمر زهران.
وقالت بسمة لشاليمار: "أنا مش عايزة تكوني متضايقة وزعلانة مني، أنا جبت رقمك من مهاب، بصي يا شاليمار ، لو قعدنا واتكلمنا في مين عمل كده، عمر أو غيره، هنختلف مع بعض، خلينا..."، فقاطعتها شاليمار: "لو هنبدأ الكلام في إدانة غير عمر، أنا هضطر إنّي أقفل الموبايل، أنتِ كده بتغلطي في القضاء والشرطة، وأنا ست سعودية وأحترم القضاء المصري، لما نتكلم نقول إن عمر متهم والقضاء أثبت ده".

شاليمار: إزاي تجيبي سيرة خالد يوسف

وتابعت شاليمار: "أنا معايا قرار من المحكمة بيقول إنه سرق، والمجوهرات كانت في بيته، وأنا طول السنين اللي صاحبت فيها عمر عمري ما شفتك ولا أعرفك أساسًا، وأنتى روحتي المحكمة وجبتي سيرة خالد يوسف".
وردت بسمة قائلة: "أقسم بالله ما قلت كده"، فاعترضت شاليمار قائلة: "إزاي تطلعي تتهمي خالد إنه هو اللي سارق وإنه حرامي؟".

بسمة وهبة: عمر زهران بيموت في السجن
بسمة أجابت: “أنا عايزة أخلص الموضوع ده، لأن عمر بيموت في السجن”، وردت شاليمار: "مش هتنازل غير لما يرجع المجوهرات ويعرفنا مين كان معاه وشريكه، غير كده لا".

وردت بسمة: “ليه بتقولي إن ليه شريك؟”، فأجابت شاليمار: "عمر أخد حاجات تخليه يعيش طول العمر مرتاح، وأنا عايزة أعرف مين ساعده يخرج الحاجات دي برة البلد، وفي حاجات كتير مطلعتش، سلاسل ودهب وألماظ".

وأضافت شاليمار: “لما نلاقي حاجات بتاعتي في بيت عمر زهران ده معناه إيه؟ وبعدين يا بسمة، بتجيبي سيرة خالد يوسف ليه؟ بتخربي بيتي ليه؟ وليه جايبة تاريخ خالد؟ تقولي عليه كده ليه؟ أنا أعرف عنك كتير ومش بتكلم عليكِ ولا أعرفك أساسًا”.

توكيل لـ خالد يوسف بجميع أملاك شاليمار
وتابعت: "على فكرة أنا عاملة لخالد توكيل بكل أملاكي من سنة 2014 لأنه راجل شريف ومحترم وأنا بحبه".

وردت بسمة قائلة: "أنا كنت رايحة المحكمة عشان أشهد مع عمر لأنه صديقي وراجل محترم".

حكم القضاء

ثم قالت شاليمار: "كفاية طرطشة يا بسمة، وأنا مش هتنازل غير لما عمر زهران يعترف ويقول مين ساعده ومين كان معاه".
قررت محكمة جنح مستأنف الجيزة، اليوم الأربعاء، تأجيل نظر استئناف المخرج عمر زهران على حكم حبسه لمدة عامين في قضية شاليمار الشربتلي إلى جلسة 8 يناير المقبل لاستكمال المرافعات.

وقائع القضية

تعود وقائع القضية إلى اتهام شاليمار الشربتلي، المعروفة كفنانة تشكيلية، لعمر زهران بسرقة مجوهراتها. وقد تقدمت ببلاغ رسمي تتهمه فيه بسرقة مجموعة من المجوهرات الثمينة من مقر إقامتها.

وقضت محكمة جنح الجيزة بمعاقبة المخرج عمر زهران بالحبس سنتين مع الشغل والنفاذ في قضية اتهامه بسرقة مجوهرات شاليمار الشربتلي، زوجة المخرج خالد يوسف، كما قضت المحكمة ببراءة "عنتر"، المتهم الثاني في القضية.