«روحوا لدكتور يريحكم احسن».. شهيرة تدافع عن مي فاروق وزوجها ضد التعليقات الغريبة

بعد تعرضهما لتعليقات سلبية عقب حفل زفافهما.. حرصت الفنانة شهيرة على الدفاع عن الفنانة مي فاروق وزوجها محمد العمروسي، اليوم الاثنين 6 يناير 2025، عبر منشور مطول عبر صفحتها الرسمية على موقع فيس بوك.

تفاصيل الواقعة 

بدأت الحكاية.. عندما تحدثت الفنانة شهيرة، قائلة “السلام عليكم ورحمة الله وبركاته، بألقي السلام عليكم في الأول لأن نفسي يبقى فيه بينا سلام… أيوه سلام نفسي بين الناس وبعضها وبين الناس المتنمرين والشتّامين للفنانين بالأخص، هو أنتم إيه مشكلتكم؟!! تطاول عمال على بطال وبدون سبب؟ التدخل في حياتنا الشخصية بدون وجه حق؟”.

وتابعت أيضًا  “نفسي من فترة طويلة أتكلم في الموضوع، إلى أن وجدت الفرصة الذهبية اللي حمستني واستفزتني وهو فرح الجميلة مي فاروق ، إيه الجرم اللي عملته عشان عايزة تفرح هي وعريسها ؟ مالكم أنتم؟ تعمل فرح ولا متعملش؟ ولادها فرحانين ولا مش فرحانين؟ مالكم أنتم، أوصياء عليهم؟". 

-واكملت “إيه الرخامة دي؟

-هو أنتم عايزين تلطشوا فينا عشان نفسيتكم تستريح؟

-طيب ما تروحوا لدكتور نفسي يريحكم وهيلاقي حل أكيد لكمية الحقد والغل والسواد اللي مالي قلوبكم، طيب أنتم بتقولوا إحنا ما بنخفش من ربنا، ماشي، خافوا أنتم منه واتقوا الله في لسانكم”.

وكشفت أيضًا شهيرة موقفها بقولها، “هتعملوا إيه يوم الحساب؟!! يا اللي بتعرفوا ربنا، الحديث بيقول (هل يكب الناس في النار على وجوههم إلا حصائد ألسنتهم؟) والآية بتقول (أيحب أحدكم أن يأكل لحم أخيه ميتًا فكرهتموه). إيه موقفكم من الكلام ده؟ يا اللي بتعرفوا ربنا، هتتشدوا كده من لسانكم على النار بسبب تطاولكم وجرحكم لناس ما عملوش حاجة غير إنهم اتجوزوا على سنة الله ورسوله وأعلنوا عن زواجهم.

وفي وقت سابق أكدت في منشورها “المهم الناس دي لو شافوا فنان في أي مكان يجروا وراه بالمشوار، ممكن صورة، ممكن سيلفي ..إيه التناقض العجيب ده؟ والله دايمًا أقول بيحبوا الفن والفنانين لدرجة الكره (الكراهية)، بأدعي لربنا إن الناس دي تروح تتعالج، مش كلام بجد والله، لأن حسابكم بعد كده عسير، وبتاخدوا برضه مننا دعوات حلوة ".

وأختتمت  منشورها، قائلة “أنهي البوست بتاعي بإلقاء السلام عليكم لكي يعم السلام والمحبة بين الناس".