تامر حسنى لـ «حبيب» : خلي بالك لو استفزناك بجد يلا ارجع زي الأول

أشاد المطرب حسام حبيب ، بـ «أغنية فعلا متتنسيش» للنجم تامر حسني ورامى صبرى ، الاغنية التى حققت نجاحا كبيرا بعد طرحها منذ ما يقرب 15 يومًا.

ولم يتأخر الفنان تامر حسني في الرد على كلمات حسام حبيب، كماا أعاد نشر الرسالة عبر حسابه الشخصى على إنستجرام الخاص به قائلا: "حبيبي يا حسام… طول عمرك محترم وفنان كبير. لو استفزناك بجد يلا ارجع زي الأول وأكتر، لأن جمهورك الكبير بيستنى شغلك”ورد حسام على رسالة تامر قائلاً: “أوعدك يا نجم الجيل".

كان حسام حبيب اشاد باغنية « فعلا متتنسيش» لـ تامر حسني ورامى صبرى عبر صفحته الشخصية قائلا: «أنا بكتب كلمتين من قلبي مش عارف هي مباركة ولا شكر ولا درس وبداية جديدة لجيل أنا فخور إني أكون منه… تامر، أنت من زمان وأحلامك وأفكارك تخص جيلك، ودائمًا كنت بتتكلم باسم جيلنا مش باسم تامر، كنت فاهم زمان إن نجم الجيل يعني أنك الأنجح، لكن دلوقتي فهمت إنك النجم اللي حلم لجيله مش لنفسه، وده حلمك اللي بيتحقق».

كما أشاد بصديقه العزيز رامي صبرى قائلاً: "النجم التاني أخويا، صاحب أجمد صوت وإحساس، اللي كان دايمًا بيحلم وبيشارك روح وفن جيله بكل تواضع، أنتم فرحتوني وخلتوني أحب المزيكا يمكن أكتر من الأول. يا جيل جامد وجامد قوي كمان!".