أحمد موسى يهاجم وكيلة مدرسة التجمع .. الكلام ده عيب

وجه الإعلامي أحمد موسى، رسالة لوكيلة مدرسة التجمع، نيرمين محمد، بعد تعليقها عبر صفحتها الرسمية على فيسبوك، حول واقعة مشاجرة الطالبتين "كارما وراوية" بالمدرسة.

أحمد موسى يوجه رسالة قاسية لوكيلة مدرسة التجمع

وأكد أحمد موسى خلال تقديم برنامج «على مسئوليتي»، المذاع عبر قناة «صدى البلد»، إن منشور وكيلة المدرسة يدين واقعة الاعتداء على الطالبة "كارما"، كما أن هذا المنشور يحمل تحريض وتهديد ، لمحمد عبد اللطيف وزير التربية والتعليم.

وعلق الإعلامي أحمد موسى، على ما كتبته وكيلة المدرسة في البوست الخاص بها، قائلاً: "إزاي توجهي كلام بالشكل ده لوزير في الحكومة !.. الكلام ده عيب، واللي حصل ده أسلوب متدني وعليه 100 علامة استفهام"

وأضاف أحمد موسى، مستنكرًا: "ممكن أي حد يأخذ الكلام ده ويطلع بيه على النيابة العامة ويقدم ضد وكيلة المدرسة بلاغ، ولكن معتقدش إن الوزير هيعمل كده"

واختتم أحمد موسى، حديثه قائلا: "وكيلة المدرسة طلعت من شوية قالت إن الحساب ده مش حسابها وإن الحساب دلوقتي اتقفل، وإنها هتاخد الإجراءات القانونية ضد اللي سرق حسابها وكتب الكلام ده، لكن إحنا عندنا دلوقتي تكنولوجيا متطورة وأجهزة حديثة قادرة على تحديد مدى سرقة الحساب من عدمه.".