شقيق ياسمين عبد العزيز معلنًا وصيته : " محدش ياخد عزائي ولا يحضر دفنتي غير ابني وأخويا"

ياسمين عبد العزيز

أثار الفنان وائل عبد العزيز شقيق الفنانة ياسمين عبد العزيز الجدل في الساعات الماضية بعد فاجأ متابعيه بإعلان وصيته نظرًا لأزمة نفسية يعانيها.

وكتب وائل عبد العزيز عبر حسابه الرسمي على موقع التواصل الإجتماعي" فيس بوك":" "أنا في أزمة نفسية بقالي سنين وإحساس عندي قوي مش هكمل كتير وتعبت وعايز ارتاح خلاص ووصيتي هكتبها هنا".

وأضاف" أنا مش عايز عزاء ومحدش ياخد عزائي تماما ويا ريت دفنتي لا تعلن ولا حد يحضرها غير ابني واخويا فقط ربنا يديهم طولة العمر".

وواصل في تصريحاته " "عايز ادفن في مدافن أخوات أمي وأنا عارف ومتأكد أن كل الناس هتدعيلي بالرحمة ومش طالب أكتر من كده".

وأكمل" وأنا مسامح كل الناس اللي حصل بيني وبينهم أي مشاكل من أي نوع إلا خمس أشخاص فقط.. وعند الله تجتمع الخصوم.. هو الحكم العدل".

وأنهى حديثه" "أخيرا ربنا يحسن خاتمتي يا رب.. أكيد فوق أحلى من الحقد والغل والجحود والحروب النفسية اللي عايشين فيها دي".

ونشر الفنان وائل عبد العزيز صورة تجمعه لوالدهما قبل أسبوعين فقط من أحد الأضرحة معلقًا عليها "آخر صورة ليه من أسبوعين يا رب الصبر من عندك ربنا يرحمك ويغفر لك يا أبويا".