باسم سمرة " "كنت بخاف أتكلم مع عادل إمام لهذا السببب"

تحدث الفنان باسم سمرة عن تجربته في العمل مع النجم عادل إمام في فيلم "عمارة يعقوبيان"، كما تطرق إلى فترة عمله السابقة كمدرس في مدرسة ثانوية قبل دخوله عالم الفن.

وأشار باسم سمرة خلال تصريحات إذاعية إلى أنه كان يشعر ببعض الخوف من التعامل مع عادل إمام أثناء تصوير الفيلم، قائلًا: "كنت خايف من عادل إمام أنه يضايقني لأني هرد عليه، أنا مش بسكت وهخسره ودي كارثة، أصل هرد على مين؟.. الزعيم". 

وأضاف: "كنت في فيلم عمارة يعقوبيان وكنت رايح أقدم ولابس أشيك حاجة عندي، فقال لي: 'حلو أوي لبس الشخصية'، فقلت له: 'ده لبسي أنا مش الشخصية'". وتابع: "توددت العلاقة وبقى بيحبني".

وعن فترة عمله كمدرس، قال سمرة: "أنا كنت مُدرس ثانوي، والطلاب كانوا أصحابي المهم في التدريس إنه يحصل علاقة حب وصداقة وجدعنة بين الطالب والمُدرس موضوع إنك تضرب شاب ده هتكسره وهيكرك، وهيكره المادة. وبعدين أنا مسافر ساعتين علشان أضرب الطلاب؟ بالعكس، لغاية دلوقتي علاقتي بيهم حلوة".

كما تطرق الفنان إلى حديثه عن علاقاته العاطفية في شبابه، قائلًا: "أحلى حاجة في الست إنك تبقى مطمن على نفسك وبيتك وعلاقتك معاها. الراجل فيه حتة طفولية، لو اتعاملت معاه جد زيادة هيتضايق لازم يكون فيه توازن". 

وأضاف: "حبيت بنت زمان، ولكن كان صعب اعترفلها بحبي. وبقيت بصاحب أكتر من واحدة في نفس الوقت، لأن فيه فترة كده بتبقى محلو وصحتك حلوة، فـ ليه لأ؟ عايز تشوف تجارب في اللي دمها خفيف وفي اللي رومانسية".