أحمد العوضي يوضح سر تكرار أدواره بمسلسلات رمضان

رد الفنان أحمد العوضي على الانتقادات التي تُوجّه إليه بسبب تكراره نفس الأدوار كل عام.

وقال العوضي خلال لقاء مع "عرب وود": "مش بيهمني النقد، إخواتي كتير جدًا، وفي ناس مش بتحب أحمد العوضي، لكن أنا مش بزعل من الانتقاد ولا من أي حاجة".

وشدد" مش لازم كل الناس تتفق عليّ، المهم أننا نعيش بمنطق يقبل الاختلاف عشان نعيش مرتاحين وسعداء".

وأضاف العوضي: "في ناس بتحبني وفي ناس مش بتحبني، في ناس معجبة بشغلي وفي ناس مش معجبة. اللي يهمني في الآخر أن الحشد الكبير بيتفرج على مسلسلات أحمد العوضي وبيحبها".

وعن اتهامه بتكرار نفس الأدوار، أوضح: "أنا بعمل اللي جمهوري بيطلبه مني. بيتقال إن أحمد العوضي بيعمل الكلام ده من 4 سنين، وكل سنة بيحقق نجاح أكبر من اللي قبلها".

ويشارك أحمد العوضي في منافسات موسم رمضان 2025 بمسلسل جديد بعنوان "فهد البطل"، الذي يضم نخبة من النجوم، منهم ميرنا نور الدين، أحمد عبدالعزيز، محمود البزاوي، لوسي، كارولين عزمي، يارا السكري، عصام السقا، صفاء الطوخي، حجاج عبدالعظيم، محسن منصور، حمزة العيلي، أحمد ماجد، عايدة رياض، صفوة، مصطفى حشيش، عايدة فهمي، مجدي بدر، محمد مهران، محمد صلاح آدم، محمد أبو داود، ومراد فكري صادق.

المسلسل من إخراج محمد عبدالسلام وتأليف محمود حمدان، ويُتوقع أن يكون أحد أبرز الأعمال الدرامية في الموسم الرمضاني القادم.