ناقد فني يتطاول على ياسمين عبد العزيز وشقيقها يرد

واصل حسين إسماعيل الناقد الفني، هجومه على ياسمين عبد العزيز، بعد سلسلة من الرسائل النارية عبر صفحته الرسمية على موقع التواصل الاجتماعي "فيس بوك".

حسين إسماعيل يهاجم ياسمين عبد العزيز

وكتب حسين إسماعيل: "هي كلمة لياسمين عبد العزيز - نصيحة لوجه الله - بلاش تدخلي معايا في معركة لأنك لا أنتي ولا أهم منك هيعرف ياخد معايا حق ولا باطل - وممكن تتصلي بنقيبك تسأليه".

وأضاف: "بلاش أنا عشان هتزعلي - لما ناسك يشتموني ده مش هيخليني مردش - وعلي فكرة أنتي لا بتعرفي تحافظي علي راجل يعيش معاكي".

وأردف: "وتقريبا مش عارفه تحافظي علي بيتك وبتخلي عيالك في مواقف وحشة هتأثر عليهم نفسيا مستقبلا - أنتي مش شايفه غير مصلحتك وبس وعاوزه كل حاجة تكون تحت أمرك - وأنتي اللي روحتي أتجوزتي واحد أصغر منك بعد ما فقدتي راجل من خيره الرجال".

وتابع: "وحتي الأصغر منك معرفتيش تحافظي عليه - وحاليا بتنكشي وتلقحي وكأنك عندك ١٦ سنة - المفروض أنك كبرتي وداخلة في ال 46 - يعني المفروض عديتي سن المراهقة من زمان ... سيبي الحاجات دي للبنات الصغيرة - أنتي كبيرة - بعد خمس سنين هتبقي مسنة - ست كبيرة وبركة".

شقيق ياسمين عبد العزيز ينتفض للدفاع عن اخته

ورد وائل عبد العزيز على ذلك الهجوم، وقال على صفحته: "مين ده كمان، هي البلد دي مفيهاش حد يطلع يلم شوية العيال دي ويربيها".