ياسر جلال يوضح سر عدم ظهوره في في برامج رامز جلال

كشف الفنان ياسر جلال عن سبب عدم ظهوره في برامج المقالب التي يقدمها شقيقه، الفنان رامز جلال. 

وقال ياسر خلال "لايف" عبر حسابه على Facebook: "أنا بحب برنامج رامز وبشوفه، لكن الناس فاكرين إن لو ظهرت معاه هضربه".

وأضاف" لو حصل معايا مقلب، عمري ما هضرب أخويا. أبونا غرز فينا حبنا لبعض، وأنا مقدرش أكره رامز مهما عمل فيا. لو عمل فيا مقلب، مش هسبه ولا هضربه، بالعكس، هخده في حضني".

وشدد" وكمان، مش حاسس إني هكون مفيد في البرنامج، لأن رامز بيحب يستضيف ناس دمهم خفيف وأنا أدواري عادة تكون جدية شوية."

وبخصوص إمكانية التعاون مع شقيقه في فيلم، أضاف ياسر جلال: "أنا بعشق رامز وهو أخويا وحبيبي".

وتابع" هو كلمني قبل كده عن عمل مشترك، وكذلك أستاذ وليد صبري. المشكلة إنه لازم نقدم موضوع يعجبنا جميعًا ويشبع الناس، ويكون في الشكل اللي الناس تتمنى تشوفنا فيه".

وأكمل" قبل ما أعمل فيلم مع رامز، لازم أعرف رأي الناس فينا، لأن ده أهم شيء. أنا سعيد جدًا أني مثلت معاه في فيلم 'سبع البرمبة' كضيف شرف، بحب الفيلم ده وبحب أفلام رامز عمومًا."

ويذكر أن ياسر جلال شارك في موسم رمضان 2025 بالجزء الثاني من مسلسل "جودر"، الذي يشارك في بطولته إلى جانب الفنانة نور اللبنانية وعدد من النجوم مثل ياسمين رئيس، أحمد فتحي، وفاء عامر، وغيرهم والمسلسل من تأليف أنور عبد المغيث وإخراج إسلام خيري.