عمرو محمود ياسين: أوضاع الزمالك الحالية لا تليق بتاريخه

عبّر السيناريست عمرو محمود ياسين عن غضبه الشديد من الأوضاع الراهنة داخل نادي الزمالك، موجّهًا انتقادات حادة إلى مجلس إدارة النادي، وذلك عقب أزمة اللاعب أحمد سيد "زيزو"، وخروج الفريق الأول لكرة القدم من البطولة الإفريقية.

"الزمالك محتاج إدارة تانية خالص"

من خلال منشور عبر حسابه الرسمي على فيسبوك، كتب عمرو محمود ياسين: "يا جماعة، صدقوني وبإخلاص شديد بقولها، نادي الزمالك محتاج إدارة تانية خالص.
اللي بتعمله إدارة النادي في جمهوره صعب جدًا، ومحدش ييجي يقولي مالكش دعوة وخليك في نفسك، لأني بعتبر نادي الزمالك جزء من تكويني كمواطن مصري."

الزمالك جزء من شخصية المواطن المصري

واصل عمرو حديثه مؤكدًا أن حبه لنادي الزمالك نابع من حرصه على رؤية الفريق في أفضل حالاته: "أنا دايمًا بيهمني أشوف الزمالك قوي.
مش من الناس اللي بتفرح بانحدار مستوى الفريق أو بفشله، بالعكس، كل ما ارتفع مستوى الزمالك، ارتفع مستوى الأهلي، وارتفع مستوى كرة القدم في مصر كلها." 

أزمة زيزو: سوء إدارة منذ البداية

وتحدث ياسين باستفاضة عن أزمة أحمد سيد زيزو، معتبرًا أن مجلس إدارة النادي ارتكب سلسلة من الأخطاء: "كل اللي حصل في ملف زيزو غلط في غلط.
من أول رفض عروض الاحتراف اللي كانت متاحة، طمعًا في تجديد عقده، لحد فشلهم في التوصل لاتفاق معاه، وانتهاءً باستبعاده تمامًا من الفريق رغم إن عقده لسه ساري."

تعليق غاضب على صورة مشجعي الزمالك مع زيزو

وتطرق عمرو إلى الصورة المنتشرة لمشجعين يطأون صورة زيزو على الأرض، قائلًا: "المنظر كان ساذج وعبثي. الناس كانت بتتعامل مع الصورة كأنها لطاغية ديكتاتور،
كأنهم أسقطوا شاوشيسكو! بجد، حرام اللي بيحصل في نادي عظيم وعريق زي الزمالك."

رسالة إلى الجماهير: "ما تلوموش الأهلي.. شوفوا إدارتكم"

واختتم ياسين حديثه برد مباشر على من يحمّلون الأهلي أو رئيسه محمود الخطيب مسؤولية ما يحدث في الزمالك: "وما تقوليش روح قول للخطيب أو إن الأهلي هو اللي بيوقعنا،
طيب حضرتك فين؟ لو الكلام ده صحيح، فين موقفك كإدارة وكقيادات في نادي الزمالك؟"