محمود سعد : اشتغلت في التيلفزيون علشان الفلوس

محمود سعد

قدم الإعلامي محمود سعد نصائح للشباب حول كيفية الحصول على المال، مؤكدًا أنه لم يفكر أبدًا في جني الأموال بطرق غير قانونية.

وقال محمود سعد في مقطع فيديو عبر قناته على يوتيوب: "الفلوس تجيبها إزاي؟ ببساطة، شوف أي تاجر مخدرات واشتغل معاه، هتلاقي فلوس كتير، لكن هتتعرض للمسائلة، سواء تم القبض عليك أو لا، دا نصيبك".

وشدد" لكن أنا عمري ما فكرت في الطريقة دي، مع إن تاجر المخدرات كان بيقعد معانا على القهوة، بس دا حرام، وربنا هيسألنا عن أفعالنا".

وتابع محمود سعد: "ما فيش ضرورة إنك تفسد علشان تجيب فلوس، لازم تكون مجتهد. في ناس كتير اجتهدت أكتر مني بكتير، ومع ذلك ما حققوش زي ما حققت، وأهم شيء إنك ما تكونش متلهف وتوازن الأمور".

وأضاف: "في بداية التسعينات كنت آخذ 5000 جنيه وكان دا مبلغ جيد جدًا، وناس عرضوا عليا 15000 جنيه وكنت هكون في منصب أعلى، لكن أنا كنت مرتاح في مكاني ومبسوط، فرفضت، وقلت لنفسي: أنا مش كلب عشان يترمي لي عضمة زيادة آكلها، عمرى ما اتلهفت على حاجة، وكان عندي سعي مطلق".

واختتم حديثه قائلاً: "لما اشتغلت في التليفزيون، كان عندي هدف لتحقيق المال، لكن مكنتش مهتم بأي ترتيبات بعد البرنامج. مفيش أجمل من إن الرزق يكون بجهدك وتعبك".