حلا شيحة تكشف تفاصيل زيجتها الثانية ومرحلة ما بعد الطلاق

كشفت الفنانة حلا شيحة عن تفاصيل زيجتها الثانية، وما مرت به من صدمات نفسية بعد الطلاق، موضحة أنها وصلت إلى مرحلة من الحزن والغضب دفعتها للوم الذات الإلهية، قبل أن تعود إلى رشدها وتدرك أنها كانت تمر بمرحلة ألم نفسي عميق.

تجربة الزواج الثاني: "كنت فاكرة هتكون عونًا لي"

قالت حلا شيحة في فيديو عبر قناتها على يوتيوب:"لما لبست الحجاب المرة اللي فاتت، مكنتش عارفة أكمل فيه، لأن حصلتلي لخبطة بسبب الزواج والطلاق. كنت فاكرة إن الزيجة دي هتكون عونا ليا على حياة أفضل. أي ست من حقها تتجوز وتختار اللي يناسبها، وده ممكن يقربها من ربنا، لكن لما اكتشفت إن الموضوع مش صح وفيه حاجة غلط، كانت الصدمة صدمتين".

وأشارت إلى أن حساسيتها الشديدة جعلتها تتأثر نفسيًا بشكل كبير، مما فاقم من حدة التجربة.

ما بعد الطلاق: "كنت بغضب من ربنا"

تطرقت حلا شيحة إلى مشاعرها بعد الطلاق، قائلة:"رد فعلي بعد الطلاق الأولاني كان صعب، وسمعت كلام بيقول إن الشخص اللي عنده أولاد ومضطر يسيب العلاقة بيتعرض لصدمة نفسية بتغير كيمياء مخه، وأنا حاسة إن ده اللي حصلي. كنت حاسة بألم كبير، ووصلت لدرجة إني زعلت من ربنا، وكنت بقول: يا رب، أنا زعلانة منك".

وأضافت:"أنا سيبت كل حاجة وجيتلك، ليه مش واقف جنبي؟ طبعًا ده كان غلط مني، لكن ده كان نابع من حالة غضب داخلي. حسيت إني بنتقم من نفسي ومن حلا، وده مش اللي اتربيت عليه، لا في طاعة ربنا ولا في القرب منه. وزعلت من نفسي أكتر، وحسيت إن في حاجة جوايا مش مظبوطة".

السعادة الزائفة: "كنت ببين إني مبسوطة وأنا مش كده"

تابعت حلا شيحة حديثها مؤكدة أنها لم تكن سعيدة في حياتها رغم محاولاتها إظهار العكس:

"مكنتش سعيدة، حتى لما كنت بظهر إني سعيدة. كنت بقول لنفسي خلاص، أنا اخترت أكون هنا، يبقى لازم أكمل. بس من جوايا كنت تعبانة، لأني كنت عارفة إن ده مش حقيقي ومش من قلبي".