زيزو يوجه رسالة مؤثرة عبر "إنستجرام": "ليه بنشتم ونتنمر ومفيش حاجة بتتغير؟

نشر أحمد سيد "زيزو"، لاعب النادي الأهلي الحالي والزمالك السابق، رسالة مؤثرة عبر خاصية القصص (Story) على حسابه الرسمي بموقع "إنستجرام"، تحدث فيها عن ظاهرة التنمر والتطاول على الناس، موجّهًا كلمات صريحة لمن يمارسون هذه الأفعال على مواقع التواصل الاجتماعي.

وكتب زيزو: "السؤال الوحيد اللي مش عايز يطلع من دماغي و نفسي ألاقي له إجابة: هو بجد، لما حد يخوض في أعراض الناس ويشتم ويتنمر... دا بيعود عليه بإيه؟ هل لما بيرجع بيته، بيلاقي حياته اتغيرت؟ هل بيلاقي العربية اللي كان بيتمناها؟ هل عياله وصلوا للمكانة اللي نفسه فيها؟ هل أهله عاشوا الحياة اللي يستحقوها؟"

وتابع: "طب اللي بتشتمه دا، شغال؟ عنده بيت؟ عربية؟ هل حياتك إنت اختلفت بعد الشتيمة؟ الإجابة: لأ!

طيب ليه بنعمل كده؟ بنزود في ذنوبنا من غير فايدة، وربنا أعلم هنعرف نمسح الذنوب دي ولا لأ.

مش بتشوف الناس اللي فجأة اختفت من حواليك؟ ما فكرتش دي علامة تخليك تراجع نفسك؟"

واختتم اللاعب رسالته بقوله: "مفيش حاجة مستاهلة... رزقك ربنا كاتبه لك، بس إنت اللي بتختار طريقة وصوله.

خليك دايمًا في طريق كويس، وافتكر دايمًا إنها مش دايمة. صباحكم جميل."