حازم إمام يرد على مطالبات إقالة مدرب الزمالك: جوميز كانت بدايته أسوأ من فيريرا
كتب : فاطمة الشاذلي
الخميس، 04 سبتمبر 2025 05:52 م
-
مشاركة
-
-
-
-
رد حازم إمام نجم نادي الزمالك السابق، على مطالبات بعض الجماهير والنقاد الرياضيين، بإقالة البلجيكي يانيك فيريرا المدير الفني للفريق الأول لكرة القدم.
حازم إمام يقارن بين بداية فيريرا وجوميز
وقال حازم إمام في تصريحاته الإذاعية التي أدلى بها اليوم: "الناس هتقول إن فيريرا يمشي من الزمالك، مش ممكن هتمشي مدرب بعد 5 مباريات، فاز في 3 واتعادل مباراة وخسر مباراة، وعلى فكرة في آخر 5 سنين معظم المدربين عملوا نفس الحاجة، حتى جوميز اللي الناس بتقول عليه أحسن مدرب، بدايته كانت أوحش من كده، تقريبًا خسر ماتشين وكسب ماتش واتعادل ماتشين، وأحسن بداية كانت معتمد جمال لما كان ماسك كسب أربع مباريات وخسر ماتش واتعادل ماتش.
نصائح حازم إمام لمدرب الزمالك
ووجه حازم إمام نصيحة لـ فيريرا مدرب الزمالك الحالي: مش معنى إنك تنتقده إنه لازم يمشي، ولازم يحسن من نفسه ويقرأ الماتش بسرعة شوية.
