محمد سامي يعلن بشرى لمتابعيه بشأن أعماله في رمضان 2026

أزاح المخرج محمد سامي الستار عن عمله الجدبد في شهر رمضان المقبل، بعدما أصبح من أهم مخرجي المسلسلات الرمضانية في السنوات الأخيرة.

وكتب محمد سامي على صفحته الرسمية على موقع التواصل الاجتماعي فيسبوك: " رد كليتي للمخرج محمد سامي، بسم الله، بكتب مسلسل جديد، سيكون بأمر الله الأهم في مسيرتي الفنية والأعلى مشاهدة وجدل وحكاية جديدة لم يتم تناولها من قبل في أي عمل فني سواء عالمي أو محلي، هصور إمتى ومين الأبطال وهينزل إمتى؟!!، كل ده معرفوش لسه ولا في بالي".

وأضاف محمد سامي: اللي أعرفه أنه هيكون أرقى وأميز أعمالي وسيكون عملا يحترمه ويقدره كل بيت عربي، إدعولي يخلص بنفس القوة اللي بدأ معايا بيها، اللي مفرحني في العمل ده، إني كنت بحاول ألاقي معادلة صعبة جدا بالنسبالي وهي إزاي العمل الجماهيري النهاردة بمتطلبات السوق يكون فني بحت زي أعمال كتير اتقدمت زمان من أساتذتنا وإزاي أقدر أخد موضوع يهم المجتمع لقوة الجذب اللي اعتادها الجمهور العربي مني، وما تبقاش مشاهداته محدودة أو نخبوي مع احترامي لمحبي الأعمال النخبوية، وإزاي أغير تماما عن كل حاجة قدمتها وأعمل بنصيحة الأستاذ طارق الشناوي وهي التغيير قبل تشبع الجمهور والحمد لله لقيت ده في مشروعي الجديد، الله الموفق ويكمل إن شاء الله على خير.