لتجنب العقوبات وإيقاف القيد.. تحركات عاجلة من الزمالك لحل أزمة مستحقات اللاعبين
الإثنين، 13 أكتوبر 2025 11:39 ص
-
مشاركة
-
-
-
-
كشف الإعلامي أحمد شوبير تحركات مجلس إدارة نادي الزمالك، لحل أزمة مستحقات اللاعبين المتأخرة، والتي تهدد بإيقاف القيد عن الفريق في الفترة المقبلة.
وقال أحمد شوبير في تصريحات إذاعية: «الزمالك بيسابق الزمن خلال الـ 48 ساعة لحل أزمة مستحقات الفريق واللاعيبة الأجانب، واللي شغال على الموضوع دا الإدارة ومعاهم كمان جون إدوارد، اللاعيبة كمان بلغوا الزمالك أن آخرهم يوم 15 وبعد كده هيشتكو للفيفا وده حقهم».
واضاف: «الزمالك حاليا بيجاهد عشان يحل الأزمة وبقولك أنا كمان مفيش لاعب جاي الأهلي والزمالك عشان سواد عين النادي دا، لا هو لعيب محترف كان بياخد عشر قروش من أي حتة وانت قولتله هديلك كذا وبقا تمام ولما يجي ميأخدش فلوس والكلام دا اها بتحصل ظروف بس هو ملوش دعوة هو محتاج فلوسه".
واختتم : "ودا مش من مواليد ميت عقبة ولا السويس دا راجل عارف أن عمره في الكورة كام سنة بيلفها من بلد لبلد ومن نادي لنادي ولازم الزمالك يشوف حل لهذا الأمر».
